U klijentaŭ papraŭčych kałonij Mahiloŭščyny — pretenzii da «Biełtelekama». Svajaki asudžanych patrabujuć viarnuć hrošy
Ale dziaržpravajdar, jak vyśviatlajecca, addavać nie ŭmieje — niama takoj praktyki.
U jakaści ekśpierymienta ŭ babrujskaj kałonii №2 i škłoŭskaj kałonii №17 asudžanym dazvolili ažyćciaŭlać adpaviednyja režymu ŭtrymańnia štotydniovyja telefonnyja zvanki z mabilnaha numara, a nie sa stacyjanarnaha. Kiraŭnictva kałonij nazyvaje heta «zvankami z dapamohaj IP-telefanii», piša Mayday.
Navina adrazu ž stała hałaŭnym bolem dla «Biełtelekama». Sutnaść u tym, što heta pradpryjemstva z 1 studzienia 2022 hoda vyvieła z abaračeńnia taksafonnyja kartki i praź niezapatrabavanaść pasłuhi skaraciła ŭvieś adździeł, jaki adkazvaje za taksafony. Uzamien dla karystańnia stacyjanarnymi numarami ŭ kałonijach prapanoŭvałasia zaklučyć z «Biełtelekamam» dvuchhadovuju damovu na pasłuhu «kartačny rachunak» sa šmatrazovym papaŭnieńniem — heta bazavy scenar dla biełaruskich PK.
Druhi mahčymy varyjant — heta kupla papiarednie apłačanaj servisnaj telefonnaj karty (STK), ale ich užo pierastali vypuskać. Ciapier svajaki viaźniaŭ, jakija adbyvajuć termin u Babrujsku i Škłovie stali ŭ čarzie na skasavańnie damoŭ z telekamunikacyjnym pradpryjemstvam.
Kali hrošy na STK prosta zharajuć, to z «kartačnaha rachunku» ich pa zakonie možna viarnuć, a suma nabirajecca vialikaja — svajaki ŭ siarednim pieravodzili na rachunki viaźniam ad 20 da 100 rubloŭ.
Uličvajučy, što ŭ kožnaj kałonii adbyvaje termin zvyš tysiačy čałaviek, stanovicca zrazumieły maštab adnarazovaj vypłaty «Biełtelekamam», jakoj pradpryjemstva sprabuje paźbiehnuć.
«Biełtelekam» pryznaje, što pavinien viarnuć hrošy, ale nie viedaje, jak heta zrabić.
U jaho bazach danych paznačany «nul», i tolki pravierka bałansu pa numary 176 pakazvaje zapazyčanaść pierad klijentam.
Pakul što rehijanalnyja adździaleńni pa ŭsioj krainie źbirajuć zajavy i adpraŭlajuć ich dla vyrašeńnia na ŭzroŭni vobłaści.
Ciapier čytajuć
Jak vyhladaje pomnik na mahile Ramana Bandarenki FOTAFAKT5
Kamientary