Ekśpiert: Ekanomika Biełarusi spraŭlajecca z sankcyjami lepš, čym čakałasia
Biełaruskaja ekanomika daje rady nastupstvam sankcyj, ale isnujuć patencyjnyja prablemnyja momanty. Takuju dumku vykazaŭ ekanamist BEROC Anatol Charytončyk.
Kali mierkavać pa dynamicy VUP, to, mahčyma, u karotkaterminovym pieryjadzie ekanomika adaptujecca da sankcyj davoli paśpiachova. Dynamika składvajecca lepš, čym pieršapačatkova jaje prahnazavali ekśpierty. Ale prablema ŭ tym, što sankcyi ŭpłyvajuć na ekanomiku ŭ doŭhaterminovaj pierśpiektyvie i
Biełaruś hublaje tyja haliny, u jakich kraina mieła vidavočnyja kankurentnyja pieravahi. Takoj halinoj ekśpiert nazyvaje IT-śfieru, jakaja mahła raniej spryjać raźvićciu biełaruskaj ekanomiki, ale ciarpić praz sankcyi.
Taksama Charytončyk adznačaje, što Biełaruś aryjentujecca ŭ svaim technałahičnym raźvićci na krainy z našmat nižejšym uzroŭniem, čym ZŠA ci jeŭrapiejskija krainy. Na jaho dumku, takaja aryjentacyja pryviadzie da taho, što biełaruskaja ekanomika praciahnie stahniravać. U karotkaterminovym pieryjadzie atrymałasia pieraprahramavać łancužki pastavak, i, jak miarkuje ekśpiert, vialikuju rolu ŭ hetym adyhraŭ mały i siaredni biznes, niahledziačy na ŭvieś cisk na jaho.
Anatol tłumačyć, što dla stanu biełaruskaj ekanomiki ŭ druhim paŭhodździ budzie važna toje, nakolki łancužki ekspartnych i impartnych pastavak, što stvorany za apošni hod, tryvałyja. Pakul što składana ručacca za toje, što jany nadziejnyja, mohuć mieć miesca i druhasnyja sankcyi. Kali niešta zdarycca i ekspart uskładnicca, tady nas čakaje paharšeńnie ekanamičnaj aktyŭnaści.
Akramia taho, nielha vyklučać niebiaśpieku, źviazanuju z dynamikaj rasijskaj ekanomiki, tut mahčymy i stanoŭčy, i admoŭny varyjant. Adpaviedna biełaruskuju ekanomiku moža čakać šok, źviazany z unutranaj ekanamičnaj palitykaj.
«Naša Niva» — bastyjon biełaruščyny
PADTRYMAĆ«Hatovyja ŭziać piensijanieraŭ». Pahladzieli, što dziejecca z vakansijami, ich kolkaść vas ździvić
«Štadler» pakidaje biełaruski rynak — ministr transpartu Litvy
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary