«Rasija viadzie ciažkuju baraćbu za svaju budučyniu», — skazaŭ Pucin.
Jon zaklikaŭ usich zhurtavacca: «Heta bitva, kali vyrašajecca los našaha naroda, patrabuje adzinstva ŭsich našych sił».
Pucin paraŭnaŭ hety vystup z padziejami 1917 hoda. «Pichajuć krainu da anarchii i kapitulacyi», — skazaŭ jon.
Miaciež Pryhožyna Pucin nazvaŭ «adstupnictvam», «udaram u śpinu», «zdradaj».
«Niepamiernyja ambicyi i asabistyja intaresy pryviali da zdrady», — zajaviŭ prezident Rasii.
Jon dadaŭ, što dziejańni režymu ŭ adkaz buduć žorstkija i što asoby, datyčnyja da miaciažu, buduć pakaranyja, bo «Uzbrojenyja siły i inšyja dziaržaŭnyja orhany atrymali zahady».
«Situacyja ŭ Rastovie-na-Donie zastajecca składanaj», — skazaŭ Pucin pra Rastoŭ, jaki zachapili vahnieraŭcy.
Ën zaklikaŭ «nie rabić fatalnuju, trahičnuju pamyłku. Zrabić adziny pravilny vybar: spynić udzieł u złačynnych dziejańniach».
«Pieraadolejem lubyja vyprabavańni, staniem jašče macniejšymi», — skazaŭ Pucin u kancy zvarotu, jaki doŭžyŭsia piać chvilin.
Učora ŭviečary, 23 červienia, kiraŭnik PVK «Vahnier» Jaŭhien Pryhožyn sieryjaj svaich pastoŭ u telehramie abviaściŭ pra pačatak adkrytaha vajennaha supraćstajańnia z vajskovymi čaściami, viernymi rasijskamu Minaabarony.
24 červienia vahnieraŭcy byli ŭ Rastovie. U 7 hadzin 30 chvilin ranicy Pryhožyn paviedamiŭ, što vahnieraŭcy zachapili štab Paŭdniovaj vajskovaj akruhi i što rasijskija samaloty praciahvajuć bambić ukraincaŭ.
Taksama Pryhožyn paviedamiŭ, što całkam kantraluje Rastoŭ, zabłakavany ŭsie vajskovyja abjekty i zachopleny aeradrom.
Publikavalisia kadry, dzie jon viadzie pieramovy z namieśnikam ministra abarony Junus-Biekam Jaŭkuravym.
«My siudy pryjechali. My chočam atrymać načalnika Hienštaba i Šajhu. Pakul ich niama, my znachodzimsia tut, błakujem horad Rastoŭ i idziom u Maskvu», — kaža Pryhožyn na videa.
Padrabiaźniej pra chranałohiju padziej čytajcie tut:
Pryhožyn u Rastovie. Što viadoma na hety momant pra «miaciež Pryhožyna»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)