«Słabaść Rasii vidavočnaja». Zialenski prakamientavaŭ padziei ŭ Rasii
Prezident Ukrainy prakamientavaŭ u svaim telehram-kanale miaciež u Rasii.
«Kožny, chto vybiraje šlach zła, razburaje sam siabie. Pasyłaje kałony vajskoŭcaŭ źniščać žyćcio inšaj krainy — taja nie moža ŭtrymać ich ad uciokaŭ i zdrady, kali žyćcio supraciŭlajecca. Teraryzuje rakietami, a kali ich źbivajuć — prynižajecca, kab dali «Šachiedy». Pahardžaje ludźmi i kidaje na vajnu sotni tysiač, kab u kancy zabarykadavacca ŭ Maskoŭskaj vobłaści ad tych, kaho sam uzbroiŭ».
«Rasija doŭha maskiravała prapahandaj svaju słabaść i hłupstva svajho kiravańnia. A ciapier chaosu ŭžo stolki, što nivodnaj chłuśnioj jaho nie schavaješ. I ŭsio heta — adzin čałaviek, jaki znoŭ i znoŭ pałochaje 1917 hodam, choć naohuł ni da čoha inšaha pryvieści nie zdolny.
Słabaść Rasii vidavočnaja. Poŭnamaštabnaja słabaść. I čym daŭžej Rasija budzie trymać svaje vojski i najmitaŭ na našaj ziamli, tym bolš chaosu, bolu i prablem dla siabie ž potym atrymaje. Heta taksama vidavočna. Ukraina zdolnaja abaranić Jeŭropu ad raspaŭzańnia rasijskaha zła i chaosu.
Zachoŭvajem našu tryvałaść, adzinstva i siłu.
Usie našy kamandujučyja, usie našy voiny viedajuć, što rabić.
Słava Ukrainie!» — napisaŭ Uładzimir Zialenski.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary