Rynkievič zaklikaŭ hramadzian Łatvii pakinuć Biełaruś: Evakuacyja niemahčymaja
U Rasii paśla sproby vajskovaha pieravarotu, zroblenaj u kancy minułaha tydnia, isnuje šmat niajasnaści, jak adznačyŭ ministr zamiežnych spraŭ i novaabrany prezident Łatvii Edhar Rynkievič.
Jon paŭtorna zaklikaŭ hramadzian i niehramadzian Łatvii, jakija znachodziacca na terytoryi Rasii i Biełarusi, pakinuć hetyja krainy. Dakładnych źviestak pra toje, kolki žycharoŭ Łatvii ciapier znachodziacca ŭ susiednich krainach, niama, bo daloka nie ŭsie rehistrujucca ŭ konsulskaj słužbie. Viadoma, što za apošnija paŭhoda Biełaruś naviedali niekalki tysiač čałaviek z Łatvii, jak piša Delfi.lt
Ministr padkreśliŭ, što ludziam, jakija jeduć u Rasiju i Biełaruś, treba ŭśviedamlać, što mahčymaść Łatvii im dapamahčy, kali ŭźniknuć jakija-niebudź prablemy, vielmi surjozna abmiežavanaja, arhanizavać evakuacyju z hetych krain nie ŭjaŭlajecca mahčymym.
Sproba vajskovaha pieravarotu nie ŭjaŭlaje niepasrednaj pahrozy dla Łatvii, ale adkaznyja słužby znachodziacca ŭ ciesnym kantakcie z partniorami pa NATO.
Rynkievič zaŭvažyŭ, što pakul šmat što niajasna, ale ŭ najbližejšy tydzień stanie zrazumieła, što sproba vajskovaha pieravarotu aznačaje dla samoj Rasii, Ukrainy i susiednich krain.
Palityk padkreśliŭ: što b ni zdaryłasia, dla Łatvii važna ŭmacavać uschodniuju miažu, uźviadzieńnie płota na jakoj — adzin z elemientaŭ.
«Jakim by ni byŭ scenar u Rasii, my pavinny razumieć, što situacyja budzie składanaj, i my pavinny być pilnymi», — skazaŭ Rynkievič.
Kamientary