U Kapienhahienie ŭ subotu «va ŭmovach strohaj sakretnaści» prajšła mižnarodnaja sustreča pa Ukrainie pry ŭdziele dypłamataŭ zachodnich krain, a taksama pradstaŭnikoŭ Brazilii, Indyi, Kitaja i PAR.
Aficyjnyja pieramovy pa ŭrehulavańni kanfliktu va Ukrainie mohuć adbycca ŭžo ŭ lipieni. Z takim śćviardžeńniem vystupiŭ u paniadziełak telekanał ARD sa spasyłkaj na krynicy.
ARD paviedamiŭ, što ŭ Kapienhahienie ŭ subotu «va ŭmovach strohaj sakretnaści» prajšła mižnarodnaja sustreča pa Ukrainie pry ŭdziele dypłamataŭ zachodnich krain, a taksama pradstaŭnikoŭ Brazilii, Indyi, Kitaja i PAR. Telekanał adznačyŭ, što metaj Zachadu było zaručycca padtrymkaj hetych krain BRIKS, jakija da hetaha času zachoŭvajuć niejtralitet u situacyi vakoł Ukrainy. Pieramovy prajšli pa inicyjatyvie Kijeva.
23 červienia pradstaŭnik ES paćvierdziŭ žurnalistam, što Ukraina inicyjavała sustreču pradstaŭnikoŭ zachodnich krain z kalehami ź dziaržaŭ hłabalnaha Poŭdnia 24 červienia ŭ Kapienhahienie. Raniej ahienctva Bloomberg sa spasyłkaj na krynicy paviedamiła, što ŭ pieramovach čakaŭsia ŭdzieł pamočnika prezidenta ZŠA ŭ nacyjanalnaj biaśpiecy Džejka Salivana, pradstaŭnikoŭ Jeŭrakamisii, «pasłańnikaŭ PAR, Brazilii i Indyi», a taksama «adnaho z bujnych ukrainskich čynoŭnikaŭ», jak dadaje TASS.
Kamientary