Biełaruska stała samaj pryhožaj zamužniaj žančynaj śvietu
Žycharka Hrodna Łana Hłumakova adpraviłasia na konkurs Mrs Globe 2023, jaki sioleta prachodziŭ u štacie Kalifornija (ZŠA). Biełarusku pryznali najpryhažejšaj zamužniaj žančynaj śvietu, jak piša «Lusterka».
— Dziakuj za hetuju niejmaviernuju padtrymku, jakuju ja adčuvała praz usie akijany! Ja Mrs Globe 2023! Vinšavać možna! — napisała Łana na svajoj staroncy ŭ instahramie.
Sioleta ŭ Łany byli 22 supiernicy: za tytuł zmahalisia zamužnija damy z Ukrainy, ZŠA, Indyi, Izraila, Vieniesueły, Francyi, z krain Paŭdniovaj Amieryki i nie tolki.
Łanie 41 hod. Jana zasnavalnica Hrodzienskaha rekłamnaha ahienctva «Na ŭra» i spa-sałona Honey Day, suarhanizatarka dabračynnaha prajekta «Chvali dabryni», a jašče maci dvaich dziaciej.
U kastryčniku minułaha hoda hetuju žycharku Hrodna vybrali najpryhažejšaj zamužniaj žančynaj Jeŭropy na konkursie Mrs Europe Globe. U 2020 hodzie jana ŭžo reprezientavała Biełaruś na mižnarodnaj viersii konkursu, a taksama była finalistkaj konkursu «Misis Śvietu Biełaruś 2018».
Mrs Globe — Mižnarodny konkurs pryhažości dla zamužnich žančyn, jaki pravodzicca štohod z 1996 hoda. Zajaŭki na ŭdzieł padajuć sami žančyny, ich razhladaje Arhkamitet konkursu, zatym jany prachodziać sumoŭje i kastynh u Nacyjanalnaha dyrektara. Kryteryi dla ŭdziełu ŭ Mrs Globe prostyja: treba być zamužam, pažadana mieć dziaciej, vałodać aktyŭnaj žyćciovaj pazicyjaj i zajmacca dabračynnaściu. Nu i, zrazumieła, važny źniešni vyhlad.
Kamientary
heta - nashaniva.com/ru/320054