Straty ekspartu Biełarusi z-za sankcyj Zachadu i padziej va Ukrainie aceńvajucca ŭ 10,5 miljarda dalaraŭ u hod, ale Minsk zmoh amal całkam kampiensavać hety abjom za košt pieranakiravańnia pastavak u RF, krainy Azii, Afryki i Łacinskaj Amieryki, jak zajaviŭ «RIA Novosti» pasoł Biełarusi ŭ Rasii Dźmitryj Kruty.
«Letaś dola ES [u ahulnym abjomie biełaruskaha ekspartu] źniziłasia da 14%, a za piać miesiacaŭ hetaha hoda — da 5%. Pa zrazumiełych pryčynach Ukrainy [siarod rynkaŭ zbytu biełaruskaj pradukcyi] ciapier niama naohuł. Strata rynkaŭ Jeŭropy i Ukrainy ŭ vyniku skłała dla biełaruskaj ekanomiki 10,5 miljarda dalaraŭ», — skazaŭ biełaruski dypłamat.
Jon adznačyŭ, što na rasijski rynak pieranakiravali pradukcyju prykładna na 6,5 miljarda dalaraŭ, u inšyja «družalubnyja krainy» — Kitaj, inšyja krainy Azii, častkova ŭ Afryku i Łacinskuju Amieryku — jašče 2,2 miljarda dalaraŭ. «A naohuł, kali paličyć usio, to my nie daciahnuli da maksimalnaha značeńnia dzieści ŭsiaho tolki 1,7 miljarda dalaraŭ», — kanstatavaŭ Kruty.
Pasoł źviarnuŭ uvahu, što asablivaść biełaruskaj ekanomiki ŭ jaje vialikaj adkrytaści: 53% VUP zajmaje źniešni handal. Pa słovach biełaruskaha dypłamata, u Rasii, naprykład, heta 26%, to-bok «faktyčna mienš u dva razy, tamu što isnuje vialiki ŭnutrany rynak».
«Tradycyjna ŭ nas za apošnija, dumaju, piać-siem hadoŭ dola rynkaŭ Ukrainy i Jeŭrasajuza zajmała prykładna 40% u abjomie ekspartu», — nahadaŭ Kruty.
«Pieranakiravańnie patokaŭ prachodzić paśpiachova, i heta adzin z krajevuholnych kamianioŭ pośpiechu ŭ baraćbie z sankcyjnaj isteryjaj Zachadu», — padkreśliŭ jon.
Kamientary