U Biełastoku la biełaruskaha konsulstva źjaviłasia šylda z nazvaj «Skvier Volnaj Biełarusi», jak zaŭvažyła vydańnie Most.
![](http://nnexpictures.fra1.digitaloceanspaces.com/img/w732d4webp1/photos/z_2023_06/2-14-2-i816e.jpg.webp)
Historyja ź pierajmienavańniem ciahnułasia amal ceły hod: spačatku płanavałasia pierajmienavać častku vulicy Elektryčnaj, ale paśla pratestaŭ miascovych žycharoŭ spynilisia tolki na terytoryi la konsulstva.
Simvaličny žest ad haradskich uład Biełastoka ź pierajmienavańniem častki vulicy, dzie znachodzicca biełaruskaje konsulstva, uvasobiŭsia ŭ šyldu z novaj nazvaj. Ciapier biełaruskaje konsulstva aficyjna znachodzicca ŭ skviery Volnaj Biełarusi.
Skvier Volnaj Biełarusi — samy maleńki ŭ Biełastoku. Jon zajmaje płošču ŭ dziasiatak mietraŭ pierad biełaruskim konsulstvam.
Tut, pierad biełaruskim konsulstvam, kožnyja vychadnyja źbirajucca biełarusy, jakija pratestujuć suprać režymu Łukašenki i padtrymlivajuć Ukrainu ŭ poŭnamaštabnaj vajnie, što raźviazała Rasija.
Kamientary
i Łatuška chodzić?