Minabarony paviedamiła, što ŭ Biełarusi na bajavoje dziažurstva zastupiŭ zienitny rakietny kompleks S-400 «Tryumf».
«Na bajavoje dziažurstva zastupiła padraździaleńnie, na ŭzbrajeńni jakoha znachodziacca sučasnyja, samyja daskanałyja zienitnyja rakietnyja kompleksy S-400», — cytuje pres-słužba Minabarony kamandujučaha VPS i SPA Andreja Łukjanoviča.
Pa słovach Łukjanoviča, asabovy skład dyvizijona prajšoŭ navučańnie, asvoiŭ kompleks, adpracavaŭ navyki na rasijskim palihonie Kapuścin Jar i hatovy vykonvać zadačy.
S-400 «Tryumf» — ekspartnaja viersija rasijskaha zienitnaha rakietnaha kompleksu S-400. Heta hałoŭny ZRK rasijskaj armii. Ź minułaha hoda jaho vykarystoŭvajuć i biełaruskija ŭzbrojenyja siły.
Novy kompleks prybyŭ u Biełaruś u kancy maja, tady ž paviedamili pra jaho chutkaje zastupleńnie na bajavoje dziažurstva.
Kamientary