Rasijskija prapahandysty admaŭlajuć efiektyŭnaść PVK «Vahnier» i važnaść Bachmuta. Choć raniej ličyli inakš
U efiry rasijskaha «Pieršaha kanała» pastavili pad sumnieŭ efiektyŭnaść PVK «Vahnier» i nazvali Bachmut «nie samym važnym, z punktu hledžańnia frontu», horadam, jak zaŭvažyła «Mieduza».
U adnym ź siužetaŭ u vypusku pieradačy «Čałaviek i zakon» ad 30 červienia paraŭnoŭvajucca bai za Maryupal i za Bachmut. Pieršy horad nazyvajuć «adnym z najvažniejšych centraŭ ukrainskaj mietałurhii», ź jakoha «vosiem hadoŭ metanakiravana rabili mahutny ŭmacavany rajon razam z «Azoŭstallu», jakaja ličyłasia nieprystupnaj, i vielmi matyvavanym bataljonam «Azoŭ». Adznačajecca, što nasielnictva horada składała 425 tysiač čałaviek.
U siužecie pieraličvajucca padraździaleńni rasijskaj armii, jakija ŭdzielničali ŭ bitvie za Maryupal, siarod jakich niama PVK «Vahnier». Taksama dyktar adznačaje, što horad byŭ zachopleny za 71 dzień.
A voś «nie samy važny, z punktu hledžańnia ŭsiaho frontu, Arciomaŭsk» z nasielnictvam 72 tysiačy čałaviek «vahnieraŭcy» zachoplivali 224 dni. Na zakančeńnie siužetu, praŭda, havorycca, što nichto «nijakim čynam nie prymianšaje podźvih» bajcoŭ PVK «Vahnier», «jakija sumlenna i samaaddana zmahalisia».
Pry hetym 21 maja, na nastupny dzień paśla taho, jak Jaŭhien Pryhožyn abviaściŭ pra zachop Bachmuta, na «Pieršym kanale» «vyzvaleńnie» horada nazvali «padziejaj histaryčnaha maštabu».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary
Mnie intieriesno kak naš, samyj hłavnyj idieołoh i propahandist budiet pierieobuvaťsia v vozduchie, kohda vahnier priznajut nie tolko mieždunarodnoj, kriminalnoj orhanizacijej, no i tierrorističieskoj. Vied́ stroitielstvo ich baz v Biełarusi, budiet traktovaťsia, kak finansirovanije tierrorizma so vsiemi vytiekajuŝimi i eti bazy stanoviatsia zakonnymi cielami, dla udarov po nim. Vahnier užie vynosiat v Livii, Sirii i niekotorych stranach Afriki, nanosia, po ich bazam, udary bieśpiłotnikami. Takoje vozmožno i v Biełarusi, čto tohda zapojot hłavnyj, biełorusskij propahandist i idieołoh, kotoryj, na riehularnoj osnovie, honiajet svoj samolot v Krieml za novymi mietodičkami ?