Nacyjanalny bank paviedamiŭ, što zapazyčanaść biełarusaŭ pa kredytach da pačatku červienia dasiahnuła adznaki ŭ 17 miljardaŭ 900,4 miljona rubloŭ. Heta na 346,2 miljona rubloŭ bolš u paraŭnańni z papiarednim miesiacam.
Ahulny abjom zapazyčanaści nasielnictva pa bankaŭskich pazykach praciahvaje raści ŭžo na praciahu dvanaccaci miesiacaŭ zapar. U hetuju sumu ŭklučanyja spažyvieckija kredyty, kredyty na nieruchomaść, aŭtakredyty i karty rasterminoŭki.
Naprykład, zapazyčanaść u kredytach na nieruchomaść u mai pavialičyłasia na 123,3 miljona rubloŭ. Na pačatak červienia jana składała 12 miljardaŭ 300,2 miljona rubloŭ. Ahulnaja zapazyčanaść pa pazykach na nieruchomaść raście ŭ tym liku apošnija niekalki hadoŭ.
Taksama ŭ mai vyraśli daŭhi pa spažyvieckich kredytach — da 5 miljardaŭ 541,6 miljona rubloŭ. Heta na 224,2 miljona rubloŭ bolš, čym u minułym miesiacy.
U hetym hodzie banki źnižajuć pracentnyja staŭki na mnohija vidy kredytaŭ. Heta tyčycca kredytaŭ, pryviazanych da staŭki refinansavańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary