Hramadstva33

«Pakajsia, ty nie Don Kichot». Baćku byłoha palitviaźnia vyklikali na razmovu ŭ KDB, i jon paśla taho vielmi źmianiŭsia

Mahiloŭca Stanisłava Paŭlinkoviča ŭ kastryčniku 2020 hoda asudzili na try hady «chimii» za abrazu sudździ. Paśla jaho pierazatrymali i nakiravali adbyvać termin u kałoniju. Całkam adbyŭšy termin, mužčyna vyzvaliŭsia, źjechaŭ za miažu i daje šmat intervju, u jakich raspaviadaje pra represii biełaruskich uład i žudasnyja ŭmovy ŭ źniavoleńni. Za heta jaho baćku vyklikali na razmovu supracoŭniki KDB, raskazaŭ chłopiec «Viaśnie».

Stanisłaŭ Paŭlinkovič

«Niekalki tydniaŭ tamu majmu baćku patelefanavali i vyklikali na razmovu ŭ mahiloŭski KDB. Im nie spadabałasia majo intervju «Radyjo Svaboda». Baćka pahadziŭsia. U kabiniecie znachodziłasia try kadebešniki. Jany skazali, što ja mahu ŭ intervju krytykavać čynoŭnikaŭ ci milicyjantaŭ, ale ni ŭ jakim razie ničoha nie pavinien kazać pra Łukašenku».

Uvaha supracoŭnikaŭ KDB da baćki nie była niečakanaściu, jak kaža Stanisłaŭ, bo jon viedaje raniejšyja vypadki, kali siłaviki cisnuli na svajakoŭ, nie zhodnych z uładami biełarusaŭ za miažoj.

U mužčyny byli navat dumki, što jaho baćku mahli zavierbavać:

«Dumaju, baćka raspavioŭ mnie nie ŭsiu razmovu ŭ KDB. Vyhladaje, što jaho tam vielmi mocna zapužali. Nie ździŭlusia, kali jaho tam zavierbavali. Kali jon dasyłaŭ listy ŭ kałoniju, adčuvałasia štości padobnaje. Jon pisaŭ mnie: «Pakajsia, ty nie Don Kichot. Toje, što ciapier u Biełarusi — heta nazaŭsiody». A taksama zaklikaŭ napisać prašeńnie ab pamiłavańni na imia Łukašenki».

Skrynšot paviedamleńnia baćki Stanisłava, jaki były palitviazień dasłaŭ «Viaśnie»

Taksama baćku Stanisłava pahražali i padčas źniavoleńnia mužčyny.

«Kali ja siadzieŭ u ŠIZA, baćka jeździŭ u Barysaŭ zabirać moj telefon, kanfiskavany kadebešnikami padčas majho zatrymańnia na «chimii». Tam jamu skazali, što pa vyzvaleńni ja pavinien zapisać videazvarot, što ja biaru na siabie abaviazańni bolš nikoli nie vystupać suprać ułady. U advarotnym vypadku supracoŭniki pahražali zavitać da baćkoŭ «u hości». Viadoma, ja nijakich videazvarotaŭ nie zapisvaŭ», — kaža jon

Mužčyna nie pieraryvaje stasunkaŭ z baćkam, ale heta jamu dajecca vielmi ciažka.

«Raniej baćka całkam byŭ za mianie. Ja nie viedaju, što ź im zdaryłasia, ale za čas majho źniavoleńnia jon vielmi źmianiŭsia. Staŭ padtrymlivać łukašenkaŭskuju ŭładu, vajnu va Ukrainie i vieryć prapahandzie. Mnie vielmi ciažka ź im hutaryć, i ja nie viedaju, jak zaraz heta rabić. Tamu ŭ peŭny čas ja pryniaŭ rašeńnie ŭvohule nie abmiarkoŭvać ź im nijakich navin», — padsumoŭvaje Stanisłaŭ.

Čytajcie taksama:

Były palitviazień raskazaŭ, jak źniavoleny «adrezaŭ hałavu» inšamu. Zabity ładziŭ pravakacyi

Były palitviazień: Za kantakt ź Fiadutam karali karcaram

«Kleili litaru Z, a paśla jaje adździrali». Były viazień škłoŭskaj kałonii raskazvaje, jak niaŭdačy rasijan na froncie źmianiali nastroi siłavikoŭ

Kamientary3

  • Sudździa ú adstaúcy
    07.07.2023
    Ničieho novoho v mietodach nkvd-khb. Osnova ich mietodov - strach. Na uničtožienije nie idut pośle hromkich skandałov s Hončarom, Krasovskim, Zavadskim i druhimi. Vłasť kohda-to obiazatielno smienitsia. Prohnivšaja leninskaja-bolšievistskaja-sovietskaja sistiema izžiła siebia, zakončiłaś vojnoj, biežiencami, razrušienijem stran i istrieblenijem nasielenija, otkatom na 50 let nazad. Vsie priestupniki v pohonach budut sudimy i nakazany, dažie jeśli vy prosto "ispołniali prikazy". Pomnitie ježiednievno!
  • Tiro
    07.07.2023
    Prosto udivlajuśludi s vysšim obrazovanijem nie psichi i podčiniajutsia ubijcie mańjaku? Tolko v raškie podobnoje ,kakoje to proklatije byvšieho riehiona SSSR.
    Eti słužki diktatora dumajut o dietiach ,roditielach svoich,čto s nimi budiet pośle toho kak ich rasstrielajut?
  • Mikoła)))
    07.07.2023
    Jany skazali, što ja mahu ŭ intervju krytykavać čynoŭnikaŭ ci milicyjantaŭ, ale ni ŭ jakim razie ničoha nie pavinien kazać pra Łukašenku». ---------------------- Heta nie zusim tak. Za najezdy na pradstaŭnikoŭ režymu taksama možna zahrymieć. Kolki pasadzili ŭžo
    Navat Bondarava zmoŭkła ŭ svaich najezdach na pradstaŭnikoŭ akupacyjnac administracyi. Navat u turmu pasadzili ŭ svoj čas idealahična blizkich zachodnierusistaŭ.

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

Pra što maŭčaŭ Piotra Sierhijevič2

U Minsku ŭčora zatapiła sałon pryhažości. Jon całkam syšoŭ pad vadu VIDEA1

Andreju Kudziku ź Vilejki dali jašče čatyry hady kałonii1

U Dniapry ŭ rybie zavioŭsia strašny parazit. Pierachodzić na čałavieka!1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →