Kulturnickaha aktyvista Andreja Prymaku asudzili na čatyry hady kałonii
Andreja Prymaku sudzili ŭ Minskim haradskim sudzie 12 červienia, ale heta stała viadoma tolki ciapier. Mužčynu abvinavacili pavodle troch artykułaŭ Kryminalnaha kodeksa: art. 368 (abraza Łukašenki), art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, ci aktyŭny ŭdzieł u ich), art. 361-1 (stvareńnie ci ŭdzieł u ekstremisckim farmavańni), piša «Viasna».
![](http://nnexpictures.fra1.digitaloceanspaces.com/img/w732d4webp1/photos/z_2023_07/2023-07-07204955-iorad.jpg.webp)
Palitźniavolenaha Andreja Prymaku zatrymali 12 studzienia. Na druhi dzień sud Maskoŭskaha rajona Minska prysudziŭ jamu 10 sutak administracyjnaha aryštu. Paśla «sutak» na volu jon užo nie vyjšaŭ, utrymlivaŭsia ŭ SIZA №1 Minska.
Pa jahonaj spravie viadoma, što Prymaka nibyta byŭ zarehistravany ŭ płanie «Pieramoha».
Sud pryznaŭ Andreja vinavatym i pakaraŭ pazbaŭleńniem voli terminam na čatyry hady ŭ kałonii va ŭmovach ahulnaha režymu. 29 červienia palitviaźnia etapavali dla adbyćcia pakarańnia ŭ Mahiloŭ.
Spravu razhladaŭ sudździa Jaŭhien Pisarevič.
Kamientary