Bajden paraiŭ Si Czińpinu «być aściarožnym» z Pucinym, kab nie stracić zachodnija inviestycyi
Prezident ZŠA Džo Bajden paraiŭ staršyni KNR Si Czińpinu «być aściarožnym» z rasijskim prezidentam Uładzimiram Pucinym i nahadaŭ, što Piekin šmat u čym zaležyć ad zachodnich inviestycyj. Pra heta Bajden raskazaŭ u intervju CNN.
Džo Bajden. Fota: AP Photo/Patrick Semansky
«Z taho času, jak Rasija ŭvarvałasia va Ukrainu, 600 amierykanskich kampanij pakinuli Rasiju. I vy skazali mnie, što vaša ekanomika zaležyć ad inviestycyj ź Jeŭropy i ZŠA. Budźcie aściarožnyja. Budźcie aściarožnyja», — cytuje prezidenta ZŠA ahienctva Reuters.
Bajden padkreśliŭ, što heta była, maŭlaŭ, nie pahroza, a tolki nazirańnie. Si Czińpin ža, pa jahonych słovach, nie staŭ spračacca, a tolki słuchaŭ.
Na dumku prezidenta ZŠA, Kitaj ciapier nie akazvaje biezumoŭnuju padtrymku Rasii.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant24
Kamientary