Za vympieł z «Pahoniaj» kiroŭcu-dalnabojščyka aryštavali na 10 sutak
Paviedamleńnie ŭ milicyju ab «pravaparušeńni» pastupiła ź Viciebskaj mytni — z punkta propusku «Hryharoŭščyna».
![](http://nnexpictures.fra1.digitaloceanspaces.com/img/w732d4webp1/photos/z_2023_07/vympel230711-khdux.jpg.webp)
31 sakavika sudździa Vierchniadźvinskaha rajona Taćciana Kuklina aryštavała na 10 sutak dalnabojščyka Alaksandra Kavalenku, u vinu jakomu było pastaŭlena «praviedzieńnie masavaha mierapryjemstva», paviedamlaje «Viasna».
Pa viersii suda Kavalenka raźmiaściŭ na piaredniaj paneli kabiny aŭtamabila vympieł z vyjavaj ściaha bieł-čyrvona-biełaha koleru i hierbam «Pahonia». Paviedamleńnie ŭ milicyju ab pravaparušeńni pastupiła ź Viciebskaj mytni — z punkta propusku «Hryharoŭščyna».
Pra toje, što «zabaronienaja» simvolika znachodzicca ŭ kabinie aŭtamabila Alaksandr skazaŭ, što nie viedaŭ. Na sudzie jon paviedamiŭ, što suprać dziejnaj ułady nikoli nie vystupaŭ.
Kamientary