Repier z «Kasty» raspavioŭ, što daktary vyratavali jaho žyćcio paśla spynieńnia serca
Udzielnik hurta «Kasta» Chamil (sapraŭdnaje imia — Andrej Pasiečny) paviedamiŭ u instahramie, što 20 červienia pieranios spynieńnie serca padčas prabiežki. Heta adbyłosia ŭ Partuhalii, dzie ciapier žyvie muzykant.
Chamil raspavioŭ, što jamu praviali terminovaje aortakaranarnaje šunciravańnie i tym samym vyratavali žyćcio. Jon padziakavaŭ za ekstrannuju dapamohu i efiektyŭnaje lačeńnie daktaram špitalaŭ Sao Joao i Santo António.
«Jak skazali daktary, takich vypadkaŭ adzin na miljon. U hety momant ja znachodžusia ŭ pracesie reabilitacyi paśla komy i taho, što adbyłosia. Ja adnaŭlusia i viarnusia da kancertnaj dziejnaści, jak tolki skonču rehabilitation. Nie kipišujcie! Usio budzie dobra!» — piša Chamil.
Chamil — pastajanny ŭdzielnik «Kasty» z 1999 hoda. Z pačatkam poŭnamaštabnaha rasijskaha ŭvarvańnia va Ukrainu hurt adkryta vystupiŭ suprać vajny i trapiŭ u nieaficyjny «śpis zabaronienych muzykaŭ», kancerty jakich nibyta pryznanyja ŭładami RF niepažadanymi. Udzielniki «Kasty» źjechali z Rasii i vystupajuć za miažoj, nahadvaje «Mieduza».
Kamientary