«Dumaju, što Rasija značna bolš kvołaja, čym rasijanie chočuć pryznać» — ministr abarony Vialikabrytanii
Ministr abarony Vialikabrytanii Ben Uoles zajaviŭ, vystupajučy na kanfierencyi Instytuta hłabalnych źmien Toni Błera ŭ Łondanie, što Rasija nasamreč «bolš kvołaja», čym heta chočuć pryznać u Maskvie, paviedamlaje «Jeŭrapiejskaja praŭda» sa spasyłkaj na The Guardian.
Pa słovach brytanskaha ministra, vajnu Rasii suprać Ukrainy «možna vyjhrać».
«Ja dumaju, što Rasija značna bolš kvołaja, čym rasijanie chočuć pryznać… Raskoł u ijerarchii rasijskaj armii całkam realny, uzrovień strat žudasny», — adznačyŭ Uoles.
Jon padkreśliŭ, što rasijski prezident Uładzimir Pucin «vielmi aściarožna» stavicca da terytoryi krain NATA.
«Jany vielmi, vielmi aściarožnyja i imknucca nie pravakavać. Možna śćviardžać, što Aljans sam pa sabie funkcyjanuje. Strymlivajučy faktar piataha artykuła dziejničaje», — zajaviŭ Uoles.
Taksama jon dadaŭ, što vajna Rasii suprać Ukrainy pryviała da «ažyŭleńnia» NATA paśla «stahnacyi».
«U mianie jość dla ciabie viski». Brytanski ministr Ben Uoles raskazaŭ, jak pakpiŭ z Šajhu, a toj taho nie viedaŭ
«My nie Amazon». Brytanski ministr abarony prosić Ukrainu być bolš udziačnaj za akazanuju dapamohu
Pryčynaj brakavańnia Bajdenam kandydatury Bena Uolesa na hiensakratara NATA stała pytańnie F-16 dla Ukrainy — miedyja
Kamientary