Śpiecyjalisty sanepidsłužby Minska rehularna pravodziać manitorynh terytoryj. Praviarajuć miescy masavaha adpačynku i volnaha času: parki, skviery, azdaraŭlenčyja ŭstanovy i pryharadnyja zony. Sioleta praviali bolš za 300 entamałahičnych daśledavańniaŭ.
Čaściej za ŭsio klaščy sustrakajucca ŭ lasnych masivach stalicy. Zony ryzyki — lesaparki «Ściapianka», «Uručča» i «Zialony Łuh», lesapałosy na vuł. Franciška Skaryny i vuł. Kiryły Turaŭskaha, ekaściežka na vuł. Starynaŭskaj — Nikifarava, stancyja Sasnovy Bor (Dziciačaja čyhunka), park Čaluskincaŭ, park ekstremalnych vidaŭ sportu ŭ miežach vuł. Staletava, plaž № 2 Cnianskaha vadaschovišča i lasny masiŭ Cnianskaha vadaschovišča, u tym liku prylehły da plažaŭ № 2, 5, 6, pišuć «Minsk-Naviny».
Ale sioleta klaščoŭ mienš, čym letaś.
Za pieršuju pałovu 2023-ha hoda kolkaść tych, chto źviarnuŭsia ŭ miedustanovy sa skarhami na ŭkusy klaščoŭ pamienšała na 24,4% u paraŭnańni ź letašnim pakazčykam. Napad klaščoŭ adbyvaŭsia na leciščach i ŭ sielskaj miascovaści (50,6%), a taksama ŭ lasnoj zonie (26%), radziej — u Minsku i zamacavanych pryharadnych zonach adpačynku (18,8%).
Kali vieryć słovam ludziej i na asnovie hetaha składać śpis, to čaściej za ŭsio klaščy kusali ŭ:
— lasnym masivie Cnianskaha vadaschovišča;
— lesaparkach na vuł. Anharskaja — vuł. Hierasimienki, «Ściapianka», «Miadźviežyna», «Zialony Łuh», «Uručča»;
— parkach Horkaha, Čaluskincaŭ, Paŭłava i Družby narodaŭ, Łošyckim parku, «Jabłynievy sad».
Čytajcie jašče:
Jakija srodki ad klaščoŭ samyja nadziejnyja? Paraŭnoŭvaje navukoviec
Klaščy: jak ad ich uratavacca i što rabić, kali nie zdoleli
Srodki ad klaščoŭ i kamaroŭ, što pradajucca ŭ krainach ES. Jakija najlepšyja?
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
siońni iz mienia dostali kleŝa
pričiem prosidieł on vo mnie 5 dniej
šo nieudivitielno
bum nadiejacco