U noč na piatnicu budzie zakryty puciepravod, jaki złučaje vulicy Maskoŭskuju i Čkałava ŭ Minsku
Prajechać pa moście budzie niemahčyma ad 1:00 da 5:00.
![](http://nashaniva.com/img/w732d4webp1/photos/z_2023_07/most1_230713-ieyvc-57b2z.jpg.webp)
U noč z 20 na 21 lipienia budzie całkam zakryty ruch pa puciepravodzie, jaki złučaje vulicy Maskoŭskuju i Čkałavu. Pra heta Minsk-Navinam paviedamiŭ dyrektar «Hardarbuda» Siarhiej Panieŭ.
Prajechać pa moście budzie niemahčyma ad 1:00 da 5:00. U hety čas užo nie pracuje hramadski transpart i ŭ cełym ruch na haradskich vulicach minimalny.
— Poŭnaje zakryćcio ruchu nieabchodnaje dla taho, kab pahruzić dla vyvazu demantavanyja elemienty puciepravoda, — rastłumačyŭ S.Panieŭ. — Prosim kiroŭcaŭ pastavicca z razumieńniem da hetaj situacyi i skarystacca abjaznymi maršrutami.
Nahadajem, kapitalny ramont z madernizacyjaj puciepravoda z vuł. Maskoŭskaj na vuł. Čkałava praciahniecca prykładna 16 miesiacaŭ.
Kamientary