«Štuthart», za jaki vystupaje biełarus Alaksandr Hleb, u 14-m tury futbolnaha čempijanatu Hiermanii byŭ bity 29 listapada ŭ haściach levierkuzienskim «Bajeram» -- 0:4.
Chiet-tryk u «aśpirynavych» na rachunku Štefana Kiślinha, jašče adzin hoł zabiŭ šviejcarac Eren Derdzijok. Biełaruski paŭabaronca Alaksandr Hleb pravioŭ na poli ŭvieś matč.
Paraza adkinuła «Štuthart» na pieradapošniaje, 17-je miesca.
U kłuba na rachunku 11 bałaŭ (dźvie pieramohi, piać ničyich i šeść parazaŭ, bałans miačoŭ 11—16). Zusim spravy švach u bierlinskaj «Hierty» – u jaje 5 bałaŭ.
«Štuthart» u bundeślizie nie vyjhravaŭ ź siomaha turu, kali źniščyŭ u haściach «Ajntracht» – 3:0. Praŭda, u sieradu ŭ Lizie čempijonaŭ jon pieramoh u haściach «Rejndžers» – 2:0. Ale, vidać, adstaŭka hałoŭnaha treniera kłuba Markusa Babiela nie za harami.
***
15 i 16-ja miescy ŭ bundeślizie dzielać «Niurnbierh» i «Bochum (12 bałaŭ). U «Kiolna» – 13 bałaŭ. Lidziruje ž u bundeślizie «Bajer», što maje 30 bałaŭ.
U nastupnym tury «Štuthart» 5 śniežnia doma zhulaje z «Bochumam», heta dobry šaniec pakinuć zonu vyleta.
