Ukrainskija artylerysty bjuć pa pazicyjach rasijanaŭ bojeprypasami, zroblenymi ŭ Paŭnočnaj Karei.
Jak piša The Financial Times (pierakład pavodle «Ukrainskaj praŭdy»), ukrainskija vajskoŭcy vykarystoŭvajuć snarady z KNDR niedaloka ad Bachmuta, dzie viaduć ahoń pa rasijskich pazicyjach z savieckich reaktyŭnych sistem załpavaha ahniu «Hrad». Miarkujučy z markiroŭki, adznačaje vydańnie, bolšaść z hetych bojeprypasaŭ byli zroblenyja ŭ 1980-ch i 1990-ch hadach.
Kamandzir ukrainskaj artyleryjskaj ustanoŭki raspavioŭ FT, što paŭnočnakarejskija snarady časta dajuć asiečku abo nie vybuchajuć. Pavodle jaho słoŭ, bojeprypasy «vielmi nienadziejnyja i časam robiać varjackija rečy».
Niahledziačy na heta, piša vydańnie, ukrainskija vajskoŭcy praciahvajuć vykarystoŭvać paŭnočnakarejskija snarady, bo im «patrebny kožny bojeprypas, jaki možna dastać».
Pakolki Paŭnočnaja Kareja ličycca adnym ź niešmatlikich sajuźnikaŭ Rasii, to małavierahodna, što KNDR sama pastaviła bojeprypasy Ukrainie. Ukrainskija artylerysty raspaviali vydańniu, što snarady byli «pieradadzienyja z karabla» družalubnaj dziaržavaj.
Va ŭkrainskim Minabarony vykazali zdahadku, što paŭnočnakarejskija snarady mahli być trafiejami, zdabytymi ŭ rasijanaŭ, adnak dakładniejšaj infarmacyi nie padali žurnalistam.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary