Palitviaźnia Alaksieja Kudasava, asudžanaha da 11-ci hadoŭ kałonii, znoŭ buduć sudzić
Alaksieja buduć sudzić pavodle č. 2 art. 361-1 KK (stvareńnie ekstremisckaha farmavańnia, ździejśnienaje paŭtorna), piša «Viasna».
25-hadovaha Alaksieja zatrymali 1 lipienia 2021 hoda ŭ Minsku. Jaho abvinavacili pavodle čatyroch artykułaŭ Kryminalnaha kodeksa i asudzili da 11-ci hadoŭ kałonii. Pavodle infarmacyi praŭładnaha telehram-kanała, Kudasava sudzili za raspalvańnie sacyjalnaj varožaści, abrazu pradstaŭnikoŭ ułady, a taksama nibyta za arhanizacyju «masavych biesparadkaŭ» (tak prapahandysty nazyvajuć pratest suprać falsifikacyi vybaraŭ i hvałtu) i stvareńnie telehram-kanała «Kaskad».
Termin palitviazień adbyvaŭ u vaŭkavyskaj kałonii №11, dzie jaho nieadnarazova źmiaščali ŭ ŠIZA.
Ciapier stała viadoma, što Alaksieja znoŭ buduć sudzić pavodle č. 2 art. 361-1 KK (stvareńnie ekstremisckaha farmavańnia, ździejśnienaje paŭtorna). Spravu razhledziać u zakrytym režymie ŭ Homielskim abłasnym sudzie 3 žniŭnia, praces budzie vieści sudździa Vadzim Bobyraŭ.
Padtrymajcie palitviaźnia: SIZA-3, 246003, h. Homiel, vuł. Knižnaja, 1A, Alaksiej Firdaŭsavič Kudasaŭ.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary4
Kamientary