Zahadčycu kafiedry mahiloŭskaha ŭniviersiteta sudziać, sprava palityčnaja
Va ŭniviersitecie jana prapracavała amal 20 hadoŭ.
Byłoj zahadčycy kafiedry adnaho z univiersitetaŭ Mahilova vystaŭlena abvinavačańnie ŭ «raspalvańni varožaści», jak paviedamlaje SK.
Śćviardžajecca, što jana nibyta raspaŭsiudžvała ŭ internecie publikacyi, nakiravanyja na raspalvańnie nacyjanalnaj i inšaj sacyjalnaj varožaści.
SK piša, što vykładčyca na svajoj staroncy ŭ internecie nieadnarazova raźmiaščała dastupnyja dla svabodnaha prahladu publikacyi, «nakiravanyja na raspalvańnie varožaści pa prykmiecie nacyjanalnaj i inšaj sacyjalnaj prynaležnaści».
«Nie saromiejučysia ŭ svaich vykazvańniach adnosna biełarusaŭ, ruskich i vajskoŭcaŭ», jana «zaklikała da dziejańniaŭ, źviazanych z hvałtam i pryčynieńniem škody», — padkreślivaje SK.
Žančynie vystaŭlena abvinavačańnie pa č. 1 art. 130, jana pad vartaj.
Imavierna, razmova idzie pra Natallu Martusievič.
Jana skončyła bijafak Mahiloŭskaha dziaržaŭnaha ŭniviersteta imia Kulašova z adznakaj u 1998 hodzie, a praz čatyry hady abaraniła kandydackuju dysiertacyju pa śpiecyjalnaści «fizijałohija». Heta vybitny vynik dla navukovaha supracoŭnika. Z 2004 hoda Natalla Martusievič pracavała dacentam va ŭniviersitecie, jaki skončyła, i bolš za 15 hadoŭ nie tolki zajmałasia navukaj, ale i vykładała.
Videa z žančynaj vyjšła ŭ sakaviku na kanale mahiloŭskaha HUBAZiKa. U im jana kaža, što «pisała ŭ ekstremisckich čatach» i «zarehistravałasia ŭ płanie «Pieramoha». Praŭda, miarkujučy pa skrynšotach, u fejkavym płanie «Pieramoha». HUBAZiK pahražaje žančynie kryminalnaj spravaj i źniavoleńniem.
Pieršapačatkova vykładčyca była na voli.
Zdajuć u arendu katedž zahinułaha chakieista Cypłakova. Voś interjery FOTY4
Kamientary