Kavaleŭski raskazaŭ i pakazaŭ, što ź siabie budzie ŭjaŭlać biełaruski alternatyŭny pašpart
Pradstaŭnik Abjadnanaha pierachodnaha kabinieta pa mižnarodnych spravach Valer Kavaleŭski padčas kanfierencyi «Novaja Biełaruś» vystupiŭ ź videaprezientacyjaj, padčas jakoj raskazaŭ, što ź siabie ŭjaŭlaje dakumient, raspracavany Kabinietam dla biełarusaŭ-emihrantaŭ.
Makiet dakumienta sa śpiecyjalnymi achoŭnymi ŭłaścivaściami, adpaviednymi standartam Mižnarodnaj arhanizacyi hramadzianskaj avijacyi (ICAO), pavodle Kavaleŭskaha, užo raspracavany. Na nastupnym etapie APK pavinien budzie znajści dziaržavu-partniora, jakaja zabiaśpiečyć techničnuju padtrymku.
Alternatyŭny pašpart, pavodle zadumy, maje paćviardžać biełaruskaje hramadzianstva, ź im taksama možna budzie padarožničać. Adnak dazvoł na ŭjezd abo pražyvańnie ŭ toj ci inšaj krainie ŭsio adno treba budzie atrymlivać. Ale z alternatyŭnym pašpartam možna budzie adkryvać rachunak u banku, nabyvać i rehistravać telefonnuju sim-kartu.
Płanujecca, što na pačatkovym etapie alternatyŭny pašpart budzie dziejničać u miežach Šenhienskaj zony ŭ ES, a dalej terytoryja jahonaha vykarystańnia budzie pašyracca praź pieramovy.
U pierśpiektyvie alternatyŭny pašpart zmohuć atrymać usie hramadzianie Biełarusi, jakija pažadajuć heta zrabić. Adnak spačatku jaho buduć vydavać pieravažna tym, chto maje biahučuju patrebu ŭ zamienie abo adnaŭleńni dakumientaŭ.
Na ciapierašni momant staić pytańnie pra zakupku materyjałaŭ i stvarajecca jurydyčnaja asoba dla poŭnaha supravadžeńnia dakumienta.
Usie nadpisy na dakumiencie buduć vykananyja pa-biełarusku (kirylicaj i łacinkaj) i pa-anhlijsku. Na staronkach jaho buduć vyjavy architekturnych pomnikaŭ.
Kavaleŭski padkreślivaje, što pry stvareńni ŭzoru pašparta pracavała admysłovaja hieraldyčnaja kamisija, i ŭsio ŭ im uzhodniena z admysłoŭcami.
«Naša zadača vyrvać Biełaruś z rasijskaj arbity. I pravieści dekałanizacyju Biełarusi» — Cichanoŭskaja
Pradstaŭnik Pałka Kalinoŭskaha zajaviŭ, što Sachaščyk i Azaraŭ nie spravilisia. I anansavaŭ kanfierencyju ŭ Kijevie
Na adkryćci «Kanfierencyi novaj Biełarusi» Cichanoŭskaja anansavała kadravyja źmieny i časova syšła
Jak žyvie Aleś Muchin, viadomy znaŭca «Što? Dzie? Kali?»6
Kamientary