Cimanoŭskaja jedzie na čempijanat śvietu pa lohkaj atletycy ad Polščy
«Aficyjna jedu na čempijanat śvietu! Aficyjna vyklikanaja ŭ skład u biehu na 100 m, 200 i 4×100 m», — napisała lohkaatletka ŭ instahramie.
Čempijanat śvietu pa lohkaj atletycy projdzie z 19 da 27 žniŭnia ŭ Budapiešcie. Amal usie dyscypliny čempijanatu projduć na novym stadyjonie, raźmieščanym na ŭschodnim bierazie Dunaja ŭ paŭdniovaj častcy horada.
Kryścina Cimanoŭskaja pierabrałasia ŭ Polšču paśla skandału na Alimpijadzie ŭ Tokia dva hady tamu, kali jaje hvałtoŭna sprabavali vysłać u Biełaruś paśla taho, jak jana nie pahadziłasia vychodzić nie ŭ svajoj dyscyplinie na estafietu 4 pa 400 mietraŭ, paśla taho jak dźvie biełaruskija spartoŭki nie byli dapuščanyja da kvalifikacyi praz stanoŭčy dopinh probaŭ. Kryścina nastojvała na tym, što jana maje biehčy zapłanavanyja raniej 100 i 200 mietraŭ.
U Polščy Cimanoŭskaja atrymała polskaje hramadzianstva i stała vystupać za zbornuju hetaj krainy.
Biełaruskija i rasijskija spartoŭcy nie prymuć udziełu ŭ čempijanacie śvietu, jany adchilenyja ad spabornictvaŭ.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary