Na miescy «Drymłenda» źjavicca novy park. Nazva ździŭleńnia nie vyklikaje
Centralnaj častkaj terytoryi stanie ekspazicyja «Mini-Biełaruś». Jaje kontur paŭtoryć kartu krainy z maksimalnym padabienstvam rečyščaŭ rek i azior.
Novy park źjavicca ŭ zialonaj zonie pamiž łukavinaj raki Śvisłačy i vulicaj Arłoŭskaj, pišuć «Minsk-Naviny».
Dla zony adpačynku ŭžo prydumana nazva — park Narodnaha adzinstva. Jon zojmie 20 hiektaraŭ i raźmieścicca na miescy pieradadzienaha horadu «Drymłenda», častka budynkaŭ jakoha padlahaje demantažu.
Centralnaj častkaj terytoryi stanie ekspazicyja «Mini-Biełaruś». Jaje kontur paŭtoryć kartu krainy z maksimalnym padabienstvam rečyščaŭ rek i azior.
Na miescy Minska i abłasnych centraŭ, histaryčnych i pryrodnych słavutaściaŭ, inšych viadomych zbudavańniaŭ krainy ŭ pierśpiektyvie stvorać makiety abjektaŭ. Pa miažy ekspazicyi na vyšyni ad troch mietraŭ u budučyni namiačajecca turystyčny maršrut ź placoŭkami dla ahladu.
Pakul ža na miescy kožnaha abłasnoha centra prapanujecca ŭstalavać interaktyŭnyja karty, kab možna było paznajomicca sa słavutaściami taho ci inšaha rehijona.
Kožny ŭčastak budzie sfarmiravany łandšaftnaj ekspazicyjaj z roznych karlikavych dreŭ i inšych raślin, charakternych dla kankretnaj miascovaści.
Ad centralnaha ŭvachoda da ekspazicyi «Mini-Biełaruś» zakładziena hałoŭnaja aleja, uzdoŭž jakoj kiraŭniki krain padčas aficyjnych vizitaŭ u Minsk mohuć vysadžvać drevy. U kožnaha takoha dreva budzie pamiatnaja tablička.
Ciapier idzie prapracoŭka kancepcyi, zakazčyk — «Minskzielanbud». Pačatak rabot zapłanavany na nastupny hod. Miarkujecca, što dla realizacyi zadumanaha spatrebicca niekalki hadoŭ.
Likvidujecca minski zabaŭlalny park «Drymłend», ułaśnik «straciŭ cikavaść da prajekta»
«Niedaloka adsiul «Minsk Śviet», ale ja nie chacieła b žyć tam. A voś Kavalskaja Słabada!..» Minčuki raskazali pra toje, u jakim rajonie stalicy žyć najlepš
Što chočuć źmianić na terytoryi kala Nacyjanalnaha aeraporta
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary