MZS Polščy raskazała, što pavinna zdarycca dla palapšeńnia adnosin Varšavy i Minska
Pasył Alaksandra Łukašenki pra palapšeńnie adnosin važny dla Polščy, ale dla hetaha pavinien być vykanany šerah umoŭ, zajaviŭ namieśnik kiraŭnika MZS Polščy Pavieł Jabłoński.
«Kali Łukašenka sapraŭdy choča palepšyć adnosiny z Polščaj, jon moža zrabić heta vielmi prostym sposabam. <…> Spynicie napadać na našu miažu, vyzvalicie Andreja Pačobuta i bolš za 1000 palitviaźniaŭ… pierastańcie siejać nianaviść, spynicie hibrydnuju vajnu suprać Polščy», — cytuje słovy čynoŭnika «Pozirk».
U toj čas, kali Łukašenka kaža pra nieabchodnaść palepšyć stasunki, adznačyŭ vice-ministr, «adbyvajucca napady na polskuju miažu», tamu jaho słovy — heta «pustaja bałbatnia».
Padčas naviedvańnia nacyjanalnaha aeraporta Minsk 11 žniŭnia Łukašenka zajaviŭ pra hatoŭnaść adnavić stasunki ź ES, ale z ulikam «ułasnych intaresaŭ». Siarod inšaha jon vykazaŭ žadańnie naładzić kantakt z Polščaj, maŭlaŭ, jon davaŭ adpaviednaje zadańnie premjeru Hałoŭčanku.
«I z palakami treba razmaŭlać. Ja daručyŭ premjer-ministru źviazacca ź imi. Kali jany chočuć, davajcie razmaŭlać, naładžvać adnosiny. My susiedzi, a susiedziaŭ nie vybirajuć, jany ad Boha. Ale ŭ ich 15 kastryčnika parłamienckija vybary, i, viadoma, im treba ciapier nahniatać, nahniatać abstanoŭku dla taho, kab pakazać, što jany pravilna ŭzbrojvali i pieraŭzbrojvali krainu. Tamu da 15 kastryčnika jany naŭrad ci pojduć na niejkija istotnyja źmieny, vyhadnyja im i nam. Jany šmat čaho patrabujuć ad nas i prosiać, ale my na heta pajści nie možam, bo heta supiarečyć našym intaresam», — vykazaŭsia tak učora Łukašenka.
Łukašenka daručaŭ Hałoŭčanku «źviazacca z palakami»
Polšča nie adnović pasažyrskich čyhunačnych znosin ź Biełaruśsiu jak minimum da śniežnia 2024 hoda
Polšča ŭzmocnić miažu ź Biełaruśsiu 10 tysiačami vajskoŭcami
«Kitaj pavinien pasłać Łukašenku adpaviedny sihnał». U Polščy dapuskajuć zakryćcio čyhunačnych pierachodaŭ ź Biełaruśsiu
MZS Polščy pra zakryćcio miažy ź Biełaruśsiu: Razhladajem lubyja kroki. Vahnieraŭcy sprabavali praniknuć u Polšču
Kamientary