Biełaruskija škoły pieraviaduć na novy farmat charčavańnia. Kali i jak?
Častka škoł piarojdzie na novy farmat z 1 vieraśnia, druhaja — z 1 studzienia 2024 hoda, a astatnija — z 1 vieraśnia 2024-ha.
U minułym navučalnym hodzie bolš za 20 škoł i himnazij udzielničała ŭ piłotnym prajekcie pa charčavańni. Zaraz novaŭviadzieńnie płanujuć raspaŭsiudzić na ŭsie navučalnyja ŭstanovy krainy, raspaviała načalnica adździeła arhanizacyi charčavańnia Minadukacyi Lucyja Michalčuk padčas pres-kanfierencyi, piša Office Life.
U piłocie ŭdzielničali 17 haradskich škoł i 6 — ź sielskaj miascovaści. Za čas ekśpierymienta aprabavali novyja technałohii pryhatavańnia abiedaŭ, źmianilisia i padychody da charčavańnia školnikaŭ. Da 1 vieraśnia Minadukacyi płanuje padrychtavać piersanał, kab raspaŭsiudzić prajekt na inšyja navučalnyja ŭstanovy.
Jak udakładniła Lucyja Michalčuk, častka škoł piarojdzie na novy farmat z 1 vieraśnia, druhaja — z 1 studzienia, a tyja, što zastalisia, — z 1 vieraśnia 2024-ha.
U mieniu vučniaŭ źjaviacca novyja stravy. Dziela hetaha raspracavali recepturny zbornik na asnovie smakavych pieravah školnikaŭ, jakija vyvučyli za čas ekśpierymienta. U im kala 400 straŭ. Zbornik jość u adkrytym dostupie, u tym liku na sajcie Minadukacyi.
Jašče adna asablivaść — raspracoŭka prykładnych dvuchtydniovych racyjonaŭ charčavańnia na padstavie składzienaj Ministerstvam achovy zdaroŭja adzinaj tablicy normaŭ trochrazovaha charčavańnia. Pryčym havorka idzie pra adzin nabor praduktaŭ dla adna-, dvuch– i trochrazovaha charčavańnia z ulikam patrabavańniaŭ pa racyjanalnym raźmierkavańni kałaryjnaści.
Bolš aktyŭna buduć pryciahvać i baćkoŭ — ad majstar-kłasaŭ pa pryhatavańni straŭ, u tym liku na baćkoŭskich schodach, da viktaryn. Akramia taho, pavysiać prafiesijnuju kvalifikacyju rabotnikaŭ školnych stałovych.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary