Satyryčny śpiektakl «Cichary» pa pjesie biełaruskaha piśmieńnika Sašy Filipienki ŭ pastanoŭcy ŭkrainskaj režysiorki Sašy Dzianisavaj pakažuć u vilenskaj tvorčaj prastory «Dom lehiend» u piatnicu, 18 žniŭnia, piša «Budźma».
Drama paviedamlaje pra niedalokuju budučyniu, dzie apakalipsis nie padstava dla taho, kab spynić sudy nad pratestoŭcami ŭ Biełarusi.
2030 hod. Vajna va Ukrainie skončyłasia pieramohaj Kijeva, i vorah nacisnuŭ jadziernuju knopku. Śviet razburany, ale ŭ adnym bunkiery jak ničoha i nie było idzie sud za ŭdzieł u biełaruskich pratestach 2020 hoda.
Aŭtar pjesy Saša Filipienka adznačaje: «Pratest 2020 hoda byŭ sapraŭdy ŭsienarodnym i manalitnym, ale siłaviki zdoleli ŭtrymać uładu praz masavyja žachlivyja represii. Drama «Cichary» stavić pierad hledačom prostyja i adnačasova fundamientalnyja pytańni pra dabro, zło, pravasudździe i pomstu».
Akciory: Andrus Darała, Maryna Zdarankova, Ilja Jasinski, Alaksandra Miatalnikava, Siarhiej Toŭścikaŭ, Nijole Makutenajcie, Alaksandr Raćko, Vital Lavonaŭ, Alaksandr Filipienka.
Dzie: «Dom lehiend», Subačiaus g. 15/2 (uvachod z hanka ŭ tarcy doma).
Kali: 18 žniŭnia (piatnica) u 18:30 i 20:30.
Numar dla suviazi: +37066832464.
Kvitki na pakaz u 18:30 — tut, na 20:30 — tut.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary