«Paryž prosta kišyć pacukami». Amierykanski błohier pakazaŭ, jak šmat hryzunoŭ biehaje pa francuzskaj stalicy
Tyktokier Hrej Devis apublikavaŭ videa, jakoje pakazvaje, jak vyhladajuć vulicy Paryža nočču. Na videa možna ŭbačyć mnostva pacukoŭ amal na kožnym kroku. Videa za čatyry dni nabrała bolš za 1,5 miljonaŭ prahladaŭ.
Paryž zajmaje čaćviortaje miesca ŭ śviecie pa kolkaści pacukoŭ. Pavodle acenak ekśpiertaŭ, u hetym horadzie naličvajecca da čatyroch miljonaŭ hryzunoŭ. A ŭ 2020 hodzie mer Paryža navat zrabiŭ zmahańnie z haradskimi pacukami častkaj svajoj vybarčaj kampanii.
U kamientaryjach pad videa karystalniki žartujuć, što mulcik «Ratatuj» ciapier nabyŭ novy sens.
Kamientary