Hanna Jastrabava. Fota: realt.by
— Ci budzie niejak mianiacca kancepcyja i fiłasofija žyłych kompleksaŭ «A-100 Deviełapmient» u suviazi sa źmienaj kiraŭnika?
— Nie, naša staŭleńnie da prajektaŭ nie pamianiałasia. Ja doŭhi čas pracavała razam sa Śviatłanaj Šeŭlik, što, biezumoŭna, sfarmavała peŭnuju pierajemnaść. Ja padzialała i padtrymlivała tyja mietady i šlachi raźvićcia, jakija jana vybirała. Viadoma, niešta źmienicca ŭ pracoŭnych pracesach, ale kancepcyja i fiłasofija prajektaŭ zastanucca niaźmiennymi.
— Jaki prajekt ciapier patrabuje bolšaj uvahi?
— Usie prajekty znachodziacca na roznych stadyjach raźvićcia, i kožny ź ich patrabuje ŭvahi.
Kali kazać pra Novuju Baravuju, to heta naš fłahmanski prajekt, jaki ździejśniŭ revalucyju na rynku. My praciahniem raźvivać rajon jak kamfortnaje miesca dla ludziej i pašyrym jaho ŭ 2 razy.
Zialonaja Havań — jašče adzin maštabny prajekt, jaki realizujecca pobač z holf-palami. Asnoŭnaja ideja — dać mahčymaść ludziam žyć na pryrodzie, ale z haradskim kamfortam, ničym nie achviaroŭvajučy. My prykładajem šmat namahańniaŭ, kab prajekt adpaviadaŭ hetaj fiłasofii i praciahvajem pracavać ź pieravahami, jakija daje nam raźmiaščeńnie pobač z zakaźnikam «Ścikleva».
Prajekt Depo — ambicyjny: jon stanovicca novym tvaram horada. Pry hetym my zachoŭvajem tradycyi miesca, jakoje doŭhija hady mieła zusim inšuju funkcyju. Heta inavacyjny prajekt, dzie vykarystoŭvajecca mnostva technična składanych rašeńniaŭ.
Šmat uvahi ŭdzialajem sacyjalnaj infrastruktury: dziciačym sadam, škołam i paliklinicy. Tak, u Novaj Baravoj chutka adkryjecca jašče adzin dziciačy sad «Dynasad», a ŭ nastupnym hodzie — škoła «Art Park». Zialonuju havań u budučyni čakajuć čatyry dziciačyja sady, dźvie škoły i paliklinika.
— Ci burny rost Novaj Baravoj nie pieratvoryć jaje ŭ pieranasieleny spalnik? Jak vy źbirajeciesia zachavać hety rajon kamfortnym dla žyćcia?
— Adna z asnoŭnych zadač — zrabić tak, kab Novaja Baravaja zastavałasia miescam, dzie chočacca žyć. My heta ŭličvajem pry prajektavańni novych kvartałaŭ i dobraŭparadkavańni terytoryj. Nieŭzabavie ŭ zachodniaj častcy rajona źjaviacca haradski park i druhaja centralnaja płošča.
Pry hetym važna razumieć, što nam jość kudy raści, kab praciahvać budavać z kłopatam pra ludziej i ich asabisty kamfort.
— U Zialonaj Havani, naadvarot, hetaj haradskoj mituśni nie dastaje. Hałoŭnaje pytańnie — što ź infrastrukturaj?
— My razumiejem, nakolki važna zabiaśpiečyć ludziej infrastrukturaj i zrabić tak, kab prajekt napaŭniaŭsia novymi funkcyjami i abjektami: kramami, kafe, restaranami, sałonami pryhažości i inšym. Ich budzie stanavicca ŭsio bolš pa miery raźvićcia kompleksu. Ciapier my bačym svajoj zadačaj aktyŭna raźvivać infrastrukturu, kab žychary nie hublali zvykły im uzrovień kamfortu pry pierajeździe ŭ zialonuju havań.
Zaraz u Zialonaj Havani pražyvaje mienš za 1000 čałaviek. I heta vytłumačalna: na pieršym etapie raźvivałasia małapaviarchovaja zabudova. Ale ŭ bližejšyja try hady buduć pabudavany pieršyja kvartały z šmatpaviarchovymi žyłymi damami. Da kanca 2025 hoda kompleks stanie domam dla 3000-4000 čałaviek.
— Ci jość u «A-100 Deviełapmient «płany pajści, jak i niekatoryja staličnyja zabudoŭščyki, u inšyja rehijony Biełarusi?
— My nie vyklučajem takoj mahčymaści. Razhladajem roznyja ŭčastki, aceńvajem ich. Kali znojdziem toje, što nas zacikavić, možam pajści i ŭ rehijony.
— U apošni čas uzrasła aktyŭnaść na rynku žylla. Z čym heta źviazana? Jak paŭpłyvaje na heta ŭmacavańnie dalara?
— Kredyty ciapier vyrašajuć — heta adzin z klučavych faktaraŭ uzrosłaj pakupnickaj aktyŭnaści. Što tyčycca ŭmacavańnia valuty, to situacyja dla nas nie novaja. My viedajem, jak reahavać na hetyja źmieny. Na naš pohlad, biahučaje ŭmacavańnie valuty naŭrad ci niešta pamianiaje. Na dumku ekśpiertaŭ, aktyŭnaść u ździajśnieńni ździełak kupli-prodažu nieruchomaści zachavajecca i dalej, pakul pakupniki zmohuć pryciahvać bankaŭskija kredyty pa prymalnym staŭkach. Tak što rynak adčuvaje siabie ŭpeŭniena.
