Žycharu Kamianca dali kałoniju za paškodžańnie čyhunki kala polskaj miažy
U sudzie Kamianieckaha rajona 7 žniŭnia asudzili Uładzimira Pryłuckaha pavodle č. 1 art. 309 (Naŭmysnaje pryviadzieńnie ŭ niepryhodnaść transpartnaha srodku albo šlachoŭ znosin) Kryminalnaha kodeksa, piša «Viasna».
![](http://nnexpictures.fra1.digitaloceanspaces.com/img/w732d4webp1/photos/z_2023_08/yhunka230818-pyfxq.jpg.webp)
Čyhunka. Fota: sacsietki
Sudździa Aksana Škiel pryznačyła Uładzimiru adzin hod i šeść miesiacaŭ pazbaŭleńnia voli ŭ kałonii va ŭmovach ahulnaha režymu.
Uładzimira abvinavacili ŭ paškodžańni čyhunki niedaloka ad polskaj miažy. Jak śćviardžaje śledstva, 19 krasavika 2023 hoda na ŭčastku čyhunki Brest — Vysoka-Litoŭsk mužčyna paškodziŭ čyhunačnyja šlachi i sistemu sihnalizacyi.
Žychar Vysokaha pryznaŭ vinu i pakryŭ sumu naniesienaj škody.
Kamientary