U kramach źjavilisia aranžavyja kavuny. Čym jany adroźnivajucca ad zvyčajnych?
Čytačy «Anłajniera» zaŭvažyli, što ŭ minskim supiermarkiecie źjaviŭsia «kavun aranžavy». Čym jon adroźnivajecca ad zvyčajnaha, akramia koleru? Žurnalisty kupili jaho i pravieryli, ci kaštuje hety pradukt vydatkavanych na jaho hrošaj.
Aranžavy kavun, jak i zvyčajny, maje zialonuju skurku, choć na joj niama vyrazna vyjaŭlenych pałosak. Tamu, kab pakupniki nie zbłytali adzin z druhim, aranžavy paznačany nalepkaj.
Vyraścili hetuju niezvyčajnuju jahadu ŭ Rasii. Kaštuje ž aranžavy kavun daražej za zvyčajny praktyčna ŭ dva razy: pradajecca pa 2,49 rubla za kiłahram. Ekzemplar pamieram ź nievialiki miačyk abyšoŭsia ŭ 9 rubloŭ.
Pry razrazańni kavun traščyć. Asablivaść hetaha sortu nibyta niezvyčajna mocnaja skurka, «tamu jon dobry kandydat na dalokija pieravozki».
Miakać pachnie śviežaściu i nasyčanaj słodyčču. Tekstura jaje ščylnaja, kali pryhledziecca, jak byccam składajecca z sakavitych cukrynak. Kostački raźmiaścilisia ŭ adnu liniju — zdajecca, ich mienš, čym u zvyčajnym čyrvonym kavunie.
Što da smaku, to ŭsio vydatna. Moža, heta žurnalistam «Anłajniera» tak pašancavała, ale aranžavy kavun zdaŭsia im bolš sałodkim, čym kłasičny. Jon chrustki i sakavity — choć, napeŭna, takimi pavinny być usie kavuny.
A jašče ź im atrymlivajucca pryhožyja fatahrafii. Choć, viadoma, pytańnie: ci varta dziela ŭsiaho hetaha płacić udvaja bolš.
Kamientary