Ad 8 da 10 tysiač jeŭra. Polskija pamiežniki śćviardžajuć, što Łukašenka zarablaje na mihrantach
Tolki za minułyja sutki ź Biełarusi ŭ Polšču sprabavali nielehalna trapić 123 čałavieki. Pres-sakratarka polskaj pamiežnaj słužby Hanna Michalska paviedamiła, što heta hramadzianie siami krain: Efiopii, Erytrei, Samali, Siryi, Jemiena, Irana i Jehipta. I ŭ tym, što mihracyjnaja płyń nie spyniajecca, pryčynaj jość, maŭlaŭ, materyjalnaja zacikaŭlenaść režymu Łukašenki.
«Na praciahu apošnich tydniaŭ my nazirajem, što, na žal, kolkaść hetych sprob raście.
Pryčyna prostaja: biełaruski bok na kožnym inšaziemcy zarablaje, tamu jon zacikaŭleny, kab utrymlivać mihracyjny cisk. Košt pierapraŭki inšaziemca z krainy pachodžańnia ŭ Polšču vahajecca ad 8 da 10 tysiač jeŭra.
Dziakujučy fizičnamu i elektronnamu barjeram my svoječasova praduchilajem hetyja sproby», — zajaviła Hanna Michalska.
Siońnia pres-słužba polskaj pamiežnaj słužby apublikavała čarhovaje videa, na jakim vidać, jak nielehalnyja mihranty sprabujuć pieraadoleć płot na miažy.
#zgranicy #PSGDubiczeCerkiewne
Alert z #barieraelektroniczna umożliwił szybkie wysłanie #patrolSG w miejsce gdzie cudzoziemiec próbował nielegalnie przekroczyć granicę.
Migranci na widok patroli wycofują się-zapłacili stronieza nielegalną podróż przezdolub innych państw. pic.twitter.com/6cpTOIbh6E
Płot na polska-biełaruskaj miažy pabudavany na adrezku 186 kiłamietraŭ.
Kamientary