Niedabudavany likiora-harełačny zavod možna kupić u vioscy Leščanka Navahrudskaha rajona. Pačatkovaja cana — bolš za 532 tys. rubloŭ (kala 169 tys. dalaraŭ), paviedamlajecca na sajcie Biełaruskaj univiersalnaj tavarnaj biržy.
![](http://nnexpictures.fra1.digitaloceanspaces.com/img/w732d4webp1/photos/z_2023_08/9290bb27a02418ae09967e3019bfe4f1-6lmij.jpg.webp)
Hety zavod budavali dziesiać hadoŭ z 1992 hoda. Jaho pradaje adkrytaje akcyjaniernaje tavarystva «Pryniomanski».
Akramia budynka vytvorčaha korpusa, jaki zajmaje kala 4,8 tys. kv. m, na prodaž vystavili pamiaškańnie prachadnoj sa stałovaj, budynki kacielni, pompavaj stancyi, składa, azdaraŭlenčaha kompleksu, śpirtaschovišča, administracyjna-bytavoha kompleksu, reziervuary zapasaŭ vady i mazutu.
Ziamielny ŭčastak zajmaje 6,7 ha.
Tarhi pryznačanyja na 18 vieraśnia, zajaŭki prymajuć da 13 vieraśnia.
Raniej na aŭkcyjon vystaŭlali likiora-harełačny zavod «Mažejkava» ŭ Lidskim rajonie. Pačatkovy jaho košt byŭ 20,3 młn rubloŭ, adnak pradać łot pakul nie ŭdałosia.
Kamientary