7 zahinułych, 136 paciarpiełych. U Čarnihavie zaviaršyli pošukava-vyratavalnuju apieracyju
Pošukava-vyratavalnaja apieracyja na miescy rasijskaha ŭdaru ŭ Čarnihavie zavieršanaja, kolkaść paciarpiełych uzrasła da 136 čałaviek, 7 čałaviek zahinuli, zajaviŭ ministr unutranych spraŭ Ukrainy Ihar Klimienka.
![](http://nnexpictures.fra1.digitaloceanspaces.com/img/w732d4webp1/photos/z_2023_08/a3be6e0-chernigiv2-rg094.jpg.webp)
«Pošukava-vyratavalnaja apieracyja zavieršanaja: 136 paciarpiełych u vyniku rasijskaha ŭdaru pa centralnaj častcy horada», — paviedamiŭ ministr.
7 čałaviek, pavodle jaho, byli zabityja, a 129 — paranienyja, ź ich 15 dziaciej i 15 supracoŭnikaŭ palicyi.
Rasijskija vojski kala 11:30 ranicy 19 žniŭnia ŭdaryli pa centry Čarnihava balistyčnaj rakietaj. Jak vyśvietliłasia, udar byŭ naniesieny pa dramteatry ŭ centry Čarnihava, kali tam pravodziŭsia źlot vytvorcaŭ dronaŭ, choć dakładnaje miesca praviadzieńnia viedali tolki ŭdzielniki mierapryjemstva.
Paźniej prapahandyscki resurs RIA «Novosti» zajaviŭ, što cellu dla ŭdaru ŭ Čarnihavie byŭ «zbor vajskovych śpiecyjalistaŭ USU pa bajavych dronach».
Kamientary