Pjany mahiloviec sabraŭsia jechać da siabroŭki ŭ susiedniuju krainu i ŭzłamaŭ dla hetaha siem mašyn
U mahiloŭskuju milicyju źviarnulisia ŭładalniki niekalkich aŭtamabilaŭ, čyje transpartnyja srodki paciarpieli ad ruk nieviadomaha. Chtości sprabavaŭ skraści mašyny, pryparkavanyja la damoŭ, ale kinuŭ ich adčynienymi, z paškodžanymi dźviercami.
Milicyjanty vyśvietlili, što siem aŭtamabilaŭ uzłamaŭ 30-hadovy mužčyna, jaki nidzie nie pracuje i raniej byŭ sudzimy za razboj.
Hetym razam jon znachodziŭsia ŭ stanie ałkaholnaha apjanieńnia i pierapisvaŭsia sa svajoj dziaŭčynaj, jakaja znachodzicca ŭ susiedniaj krainie.
Kali jana adkazała jamu ź nieviadomaha numara, mužčyna pryraŭnavaŭ siabroŭku i vyrašyŭ pajechać da jaje, choć ni pravoŭ, ni pašparta ŭ jaho nie było. U vyniku jon uzłomvaŭ mašyny, ale šeść ź ich zavieści nie zmoh, a ŭ siomaj zahłuch mator.
Kamientary