Minski aeraport na fonie sankcyj kinuŭsia ŭ fantazii: abiacajuć rekanstrukcyju zhodna z prajektam niejrasietki
Stvareńnie «aeraporta budučyni» anansavaŭ Nacyjanalny aeraport Minsk u svaich sacsietkach.
«U najbližejšaj budučyni naš aeraport čakajuć źmieny i pieraŭtvareńnie. Płanujecca pabudavać biznes-horad z raznastajnaj infrastrukturaj», — abiacaje pres-słužba.
Ale dadaje, što pakul pra dakładnyja terminy realizacyi prajekta kazać rana. Zatoje trochi pafantaziravali, jak moh by vyhladać aeraport u budučyni.
«I dapamoža nam u hetym niejrasietka. Zhienieravanyja joju vyjavy nahadvajuć navukova-fantastyčnyja filmy abo apaviadańni piśmieńnikaŭ-fantastaŭ, — papiaredžvaje pres-słužba aeraporta i abiacaje: — Mahčyma, u realnaści ŭsio budzie vyhladać jašče bolš futurystyčna. I paśla rekanstrukcyi NAM źmienicca nastolki, što jaho niemahčyma budzie paznać».
Paśla ŭviadzieńnia sankcyj u suviazi z prymusovaj pasadkaj rejsa, jakim lacieŭ Raman Pratasievič, aeraport, jak i ŭsia avijahalina, pieražyvaje kiepskija časy, šmat jakija rejsy i partniorskija suviazi byli spynienyja. Da hetaha dadalisia sankcyi, źviazanyja z vajnoj va Ukrainie. Aeraport adčuvaje nie tolki finansavaja ciažkaści, ale i ciažkaści z pastaŭkami abstalavańnia ŭ suviazi z hetym.
11 žniŭnia Łukašenka zapatrabavaŭ raźvivać Nacyjanalny aeraport Minsk, niahledziačy na sankcyi ŭ dačynieńni da biełaruskaj avijacyjnaj haliny.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu8
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary