U niadzielu byŭ adpraŭleny ŭ adstaŭku hałoŭny trenier futbolnaha kłuba «Štuthart» Markus Babiel.
Ciarpieńnie bosaŭ švabskaha kłuba lasnuła paśla subotniaj ničyi bieł-čyrvona-biełych z takim ža aŭtsajderam «Bochumam» – 1:1.
Paśla 15-ci turaŭ «Štuthart» z 12 bałami dzielić 16-17-ja miescy z «Niurnbierham»
(horaj tolki sprava ŭ «Hierty» ź jaje 5 bałami).
Tolki taja roźnica, što «Niurnbierh» letaś hulaŭ u druhoj bundeślizie, a «Štuthart» u 2007 h. byŭ čempijonam Hiermanii.
Kłub Alaksandra Hleba ŭ bundeślizie sioleta nie vyjhravaŭ ad 26 vieraśnia, kali ŭ haściach pieramoh «Ajntracht» – 3:0. U kamandy na rachunku dźvie pieramohi, šeść ničyich i siem parazaŭ, bałans miačoŭ 12—21.
Novym trenieram «Štutharta» pryznačany 55-hadovy šviejcarski śpiecyjalist Krystyjan Hros.
Hros naradziŭsia ŭ simvaličny hod: kali zbornaja Hiermanii zavajavała pieršy tytuł čempijona śvietu, pryčym čempijanat tady prachodziŭ akurat u Šviejcaryi (1954). Hros pahulaŭ za «Hraschopier», «Łazanu», «Ksamaks», «Łuhana».
Trenierskuju karjeru pačaŭ u kłubie «Vil», potym pajšoŭ u «Hraschopier»,. Apošnija dziesiać hod (1999—2009) pracavaŭ z «Bazelem-1893», za hety čas kłub čatyry razy stanaviŭsia čempijonam Šviejcaryi, a ŭ 2008 h. Hros byŭ pryznany najlepšym trenieram šviejcarskaj supierlihi.
Svaju pasadu Hros pakinuŭ u traŭni 2009 h., paśla taho, jak kłub finišavaŭ 3-m u čempijanacie.
***
Užo siońnia Hros pravioŭ pieršuju treniroŭku, a taksama sklikaŭ terminovuju pres-kanfierencyju, na jakoj zajaviŭ, što choča viarnuć «Štuthart» na šlach pośpiechu.
Užo pieršaje vyprabavańnie ŭ «Štutharta» – u sieradu,
kali kłub praviadzie apošni matč hrupavoha turniru Lihi čempijonaŭ. Kab trapić u plej-of (1/8 finału) švabam treba pieramahać doma rumynskuju «Uniru».
Stanovišča takoje ŭ hrupie: Sievilja – 10, Unira – 8, Štuthart – 6, Rejndžers – 2.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary