U estafietnych honkach, jakija prajšli 6 śniežnia ŭ ramkach zaklučnaha etapa Kubka śvietu pa bijatłonie ŭ šviedskim Estiersundzie, mužčynskaja zbornaja Biełarusi zaniała dziesiataje miesca, žanočaja — dzieviataje.
Dystancyju 4 pa 7,5 km mužčynski kvartet u składzie Siarhieja Novikava, Alaksandra Symana, Jaŭhiena Abramienki i Rustama Valiulina pieraadoleŭ za 1 hadzinu 16 chvilin 58 siekund z adnym štrafnym kruham (u Symana) i 9 dadatkovymi patronami. U trojcy lepšych — Francyja (1:15.10,3; 1+7), Narviehija (+13,7; 3+11) i Aŭstryja (+18,2; 1+7).
Žanočaja kamanda (Ludmiła Kalinčyk, Nadzieja Skardzina, Volha Kudrašova, Darja Domračava) prabiehła dystancyju 4 pa 6 km za 1 hadzinu 14 chvilin 40,3 siekundy (0+11). Pieršymi finišavali Hiermanija (1:10.52,5; 0+9), Rasija (+18,4; 0+9) i Francyja (+1.25,2; 0+10).
Druhi etap Kubka śvietu projdzie ŭ aŭstryjskim Chochfilcenie 11—13 śniežnia.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary