Zasnavalnika Conflict Intelligence Team Rusłana Levijeva i žurnalista Majkła Naki zavočna pryhavaryli ŭ Rasii da 11 hadoŭ pazbaŭleńnia voli
Basmanny sud Maskvy zavočna pryhavaryŭ zasnavalnika Conflict Intelligence Team Rusłana Levijeva i žurnalista Majkła Naki da 11 hadoŭ pazbaŭleńnia voli pa spravie ab «fejkach» pra rasijskuju armiju, paviedamlajuć «Ostorožno, novosti».
Majkł Naki i Rusłan Levijeŭ. Skryny videa
Abvinavačańnie prasiła dla fihurantaŭ spravy pakarańnie ŭ vyhladzie 13 hadoŭ kałonii ahulnaha režymu kožnamu.
Spravu ŭ dačynieńni da Levijeva i Naki zaviali z-za videa ŭ jutubie, u jakim jany padvodzili vyniki dziaviataha dnia poŭnamaštabnaha ŭvarvańnia vojskaŭ RF va Ukrainu.
Ich abvinavačvajuć u raspaŭsiudžvańni «fejkaŭ» ab rasijskim vojsku.
Majkł Naki źjechaŭ z krainy letam 2021 hoda, a Rusłan Levijeŭ — paśla pačatku vajny. Abodva abvieščanyja ŭ Rasii «zamiežnymi ahientami», a Conflict Intelligence Team — «niepažadanaj arhanizacyjaj», nahadvaje «Mieduza».
Kamientary
Śvitan - heta sapraŭdny admysłoviec na ŭzroŭni uzbrajeńniaŭ, tamu jahonyja pramovy prynamsi nie vyhladajuć zusim dylentantski, ale va ŭsim inšym - heta ŭ čystym vyhladzie prapahanda.
Fiodaraŭ - taksama maje peŭnyja viedy na kont vajskovaha budaŭnictva, spačatku jon byŭ cikavy, ale zaraz taksama mocna drejfuje na bok prapahandy.
CIT naadvarot - jany ŭvieś čas dakładna artykulujuć svaju palityčnuju pazicyju, što nie pieraškadžaje im nie zamoŭčvajuć niazručnyja detali. Vidavočna ŭ ich nie zaŭsiody chapaje viedaŭ, časam jany robiać sprečnyja jurydyčnyja vysnovy, časam pamylajucca i nie saromiacca pryznavać svaje pamyłki. Tamu Levijeŭ adnosna sumny, ale vielmi infarmatyŭny. Nu a Naki praz svaju žurnalisckuju kvalifikacyju robić hetyja intervju z bolšaha cikavymi.