Fota: BiełTA
Arhanizacyi ŽKH u budučyni majuć namier vydać videarehistratary tym supracoŭnikam, jakija pracujuć niepasredna z nasielnictvam, paviedamiŭ žurnalistam namieśnik hiendyrektara HA «Minskaja haradskaja žyllovaja haspadarka» Andrej Novik, piša «Sputnik».
Pradstaŭnik ŽKH źviarnuŭ uvahu, što takoje abstalavańnie vykarystoŭvajuć supracoŭniki UP «Minhaz», i heta apraŭdana.
«Dumaju, što heta naša najbližejšaja budučynia… Hetyja elemienty patrebnyja dla rabotnikaŭ, jakija kantaktujuć ź ludźmi», — skazaŭ Andrej Novik.
Na jaho dumku, videarehistratary nieabchodnyja, kab nie dapuścić sprečnych situacyj, a na technicy dla kantrolu pieramiaščeńnia treba vykarystoŭvać GPS-datčyki.
Raniej takoje abstalavańnie ŭ Minsku pačali stavić na śmiećciavozy. Było i probnaje vykarystańnie videarehistrataraŭ i datčykaŭ supracoŭnikami. Adnak pakul heta nie maštabavana. Pa słovach pradstaŭnika ŽKH, vyvučajecca atrymany dośvied.
Kala piaci hadoŭ tamu ŭ Biełarusi było vyrašana vydać videarehistratary milicyi.
Taksama ich vykarystoŭvajuć supracoŭniki Biełaruskaj čyhunki, kantralory ŭ hramadskim transparcie. Sistemy videazapisu ŭstanoŭlenyja ŭ niekatorych minskich aŭtobusach i ŭ ciahnikach mietro.
Čytajcie taksama:
Minčanam naličyli 11 tysiač za ramont padjezda — žychary ŭ šoku
Rost taryfaŭ u ŽKH adviazali ad dalara i pryviazali da bazavaj vieličyni
