Ekanomika

Ci možna lehalna pradavać miescy ŭ čarzie na miažy?

Padatkovaja ŭ Breście złaviła mužčynu, jaki pradaŭ miesca ŭ čarzie na miažy ŭ Polšču. Mužčyna apublikavaŭ paviedamleńnie ŭ telehram-kanale, na jakoje i pryjechali supracoŭniki padatkovaj inśpiekcyi. «Hancavicki čas» pacikaviŭsia, ci možna lehalna pradavać miescy ŭ čarzie, kab nie mieć prablem z padatkovaj?

Čarha na miažy Brest-Tarespal. Fota: Hancavicki čas

Žychar Bresckaha rajona za svajo miesca ŭ čarzie chacieŭ atrymać 100 rubloŭ, ale nie viedaŭ, što pakupnikami akazalisia padatkaviki. U vyniku jamu pradjavili da apłaty adziny padatak u pamiery 3 400 rubloŭ. Taksama, na pieršy raz, jon piśmova papiaredžany ab mierach administracyjnaj adkaznaści.

A ci možna lehalna pradavać čarhu na miažy?

Kab daviedacca heta, «Hancavicki čas» patelefanavaŭ u padatkovuju ŭ Breście. Adnak tam adrazu nie zmahli patłumačyć, jak možna aficyjna zarehistravacca, kab pradavać čarhu. Paraili źviarnucca ŭ Biełstat dla vyznačeńnia koda vidu dziejnaści.

«U nas užo było hetaje pytańnie paśla rejdaŭ padatkovaj. Vyśvietlili, što budzie kod vidu dziejnaści 96090. Akazańnie inšych indyvidualnych pasłuh, nie ŭklučanych u inšyja hrupoŭki», — patłumačyła śpiecyjalistka Biełstata.

Znoŭ patelefanavali ŭ padatkovuju i zadali pytańnie, jak zarehistravacca z hetym kodam, jakoje budzie padatkaabkładańnie. Supracoŭnica inśpiekcyi patłumačyła, što ŭ hetym vypadku mohuć być na vybar dva vidy — adziny padatak ci padachodny.

U čym roźnica: adziny ci padachodny

«Adziny padatak — heta vypłačvać u miesiac fiksavanuju staŭku. U zaležnaści ad taho, dzie vy budziecie ažyćciaŭlać dziejnaść. Napierad padajecie dekłaracyju, pakazvajecie ŭ joj miesiacy, u jakich vy budziecie pracavać. I štomiesiac na praciahu kvartała vypłačvajecie staŭku. U Breście za miesiac heta 680 rubloŭ.

Kali ž heta padachodny padatak, to vy pavinny budziecie padavać dekłaracyju pa zakančeńni kvartała. Tam uličvajucca vašy dachody i vydatki. Z sumy roźnicy ŭ vas budzie vyličvacca 20% ad čystaha prybytku», — raspaviała supracoŭnica padatkovaj inśpiekcyi.

Nie zabycca kupić kasavy aparat

Udakładnili ŭ padatkovaj taksama, jakija vydatki možna ŭličvać pry pracy pa padachodnym padatku, kali pradavać čarhu na miažy.

«Kali ŭličvać zapraŭku, to aŭtamabil pavinien stajać na ŭliku, jak asnoŭny srodak IP. Svaim rašeńniem uvodzicie ŭ pradprymalnickuju dziejnaść, stavicie jak asnoŭny srodak na ŭlik i śpisvajecie amartyzacyju. Dla paliva ŭ vas pavinien być albo damova z AZS, albo karparatyŭnaja karta, pryviazanaja da raźlikovaha rachunku IP. Taksama možna ŭziać na vydatki aŭtazapčastki, ramont», — raspaviała supracoŭnica padatkovaj inśpiekcyi.

Akramia taho, dla prodažu čarhi na miažy IP pavinien mieć kasavy aparat dla pryjomu najaŭnych hrošaj. Absłuhoŭvańnie kasavaha aparata, kuplu kasavaj stužki možna ŭklučać u vydatki pa padachodnym padatku.

Takija abjavy byvajuć u čatach

A ci možna pradavać čarhu ŭ zonie čakańnia?

Takim čynam, akazvajecca, lehalna pradavać čarhu možna. I kali takomu pradaŭcu inšyja ludzi, jakija stajać u čarzie, zachočuć zrabić rukaprykładstva, to śmieła možna adbivacca dakumientami, što vy «aficyjał»! Dapuścim, zarehistravalisia, a ci možna pradać čarhu ŭ zonie čakańnia? Tam, vierahodna, udałosia b pradać daražej. Pra heta spytalisia ŭ «Biełmytniaservisie».

«U nas takoha niama. Rehistracyja transpartnych srodkaŭ u čarzie rehłamientavanaja pastanovaj Savieta Ministraŭ. Pišycie aficyjny zapyt, da nas nie źviartalisia pa takim pytańni», — rastłumačyli tam.

Vierahodna, u zonie čakańnia niama techničnaj mahčymaści pradavać čerhi. Ale ničoha, da jaje možna zarabić na prodažy 50-100 rubloŭ. Zastałosia tolki raźličyć, kolki razoŭ na miesiac možna pradać čarhu. I ci budzie heta vyhadna paśla vypłaty padatkaŭ.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej19

Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej

Usie naviny →
Usie naviny

Biełaruska atrymała dazvoł na pražyvańnie ŭ Polščy paśla pieršapačatkovaj admovy

8000 jeŭra Siarhieju Cichanoŭskamu sabrali za pałovu dnia13

Chłopca z Rahačova pryznali nieadekvatnym i vyzvalili ad pakarańnia, ale ŭsio roŭna ŭnieśli ŭ śpis «ekstremistaŭ». Jak tak?1

Kubrakoŭ, viarnuŭšysia ź sielektarnaj narady ŭ Łukašenki, zrazu ž sklikaŭ svaju — pa toj ža schiemie17

Žychary šmatpaviarchovika ŭ centry Minska stracili son praź śpieŭ paŭlinaŭ3

U Minsku demantavali pamiatnyja znaki ŭ honar milicyi. Jany nie prastajali i dvuch hadoŭ FOTAFAKT6

U Jeŭropie naradžalnaść na histaryčna najnižejšym uzroŭni. I navat prasiamiejnaja palityka nie dapamahaje5

Biełarusam z 11-miesiačnym dziciom nie dali palacieć na Kipr pa polskim prajaznym dakumiencie. Dačapilisia da dziciaci12

Na matčy biełaruskich futbalistaŭ u Hruzii zaŭziataraŭ prymušali prybirać BČB-ściahi3

bolš čytanych navin
bolš łajkanych navin

Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej19

Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej

Hałoŭnaje
Usie naviny →

Zaŭvaha:

 

 

 

 

Zakryć Paviedamić