Staršynia Minharvykankama raspavioŭ, kali ŭ žycharoŭ «Minsk Śvieta» źjavicca mietro
Raboty pa prakładcy tunelaŭ treciaj čarhi Zielenałužskaj linii mietro buduć vieścisia ad płoščy Banhałor u napramku vulicy Mielnikajcie. Taksama vyznačany terminy, kali adkryjucca novyja stancyi mietro ŭ Minsku. Pra heta paviedamiŭ staršynia Minharvykankama Uładzimir Kucharaŭ, pišuć Minsk-Naviny.
Ciapier u rajonie płoščy Banhałor pierakładajuć sietki i rychtujuć terytoryju dla taho, kab u katłavan možna było apuścić tuneleprachodčy kompleks, jaki budzie ruchacca da stancyi mietro «Jubilejnaja płošča».
— Prajekt hatovy. U vynikach pošukaŭ nijakich surjoznych prablem z hruntami nie vyjaŭlena, — adznačyŭ Uładzimir Kucharaŭ. — Tak, daviadziecca prajści pad Śvisłačču, ale ž našy mietrabudaŭniki rabili heta ŭžo nie adnojčy na inšych linijach.
Čakajecca, što nieabchodny pasažyrapatok na novym učastku padziemki źjavicca adrazu paśla jaje zapusku. Kvartały, raźmieščanyja niepasredna kala budučych stancyj, dobra nasielenyja, krychu dalej rastuć novabudoŭli. Niepadalok raźmieščany i bujny žyły masiŭ u rajonie vulicy Haja. Akramia taho, treciaja linija budzie aryjentavana i na žycharoŭ novaha mikrarajona «Paŭnočny Bierah».
— Dla padvozu žycharoŭ da mietro budzie vykarystoŭvacca elektratranspart, u tym liku z vykarystańniem vydzielenych pałos, — dadaŭ staršynia Minharvykankama. — Najbolš zručnym vidam transpartu tut vyhladaje elektrobus. Jość i ekałahičny składnik. U Minsku kala 75% vykidaŭ u atmaśfieru prypadaje na transpart. Tamu treba pierachodzić na vykarystańnie elektraciahi.
Budaŭnictva druhoj čarhi treciaj linii mietro płanujecca zaviaršyć u kancy 2024 hoda. Jaje składuć try stancyi: «Aeradromnaja», «Niemaršanski sad» i «Słucki Haściniec», a taksama elektradepo.
Raniej spačatku kazali, što druhaja čarha treciaj linii budzie ŭviedziena da kanca 2023 hoda, potym — u pačatku 2024 hoda.
Kamientary