U Cichim akijanie akuły patapili katamaran rasijskaj daśledčaj ekśpiedycyi
Ekipažu ŭdałosia vyratavacca.
Ekipaž kruhaśvietnaj ekśpiedycyi Russian Ocean Way u składzie Jaŭhiena Kavaleŭskaha, Stanisłava Biarozkina i Vinsenta Tomasa Ećjena padvierhnuŭsia napadu akuł u Cichim akijanie, prykładna za 835 kiłamietraŭ na paŭdniovy ŭschod ad Kernsa ŭ Aŭstralii, paviedamlaje sibtraveler.com.
Pieršaja ataka akuł kukikataraŭ adbyłasia 4 vieraśnia, tady paškodžańni atrymaŭ zadni levy bałon katamarana. U vyniku hetaha jon całkam pahruziŭsia pad vadu. U avaryjnym stanie padarožniki pratrymalisia kala sutak, im udałosia prajści prykładna sto mil.
5 vieraśnia ŭ 23:00 na sudna znoŭ napali akuły, i ŭžo prakusili pravy bałon. Katamaran straciŭ raŭnavahu i pačaŭ tanuć.
Ekipaž padaŭ sihnał SOS. Kiraŭnica bierahavoha štaba Julija Kalužnaja apieratyŭna źviazałasia z vyratavalnaj słužbaj Aŭstralii, i ŭžo praz 45 chvilin da katamarana padyšoŭ suchahruz Dugong Ace, jaki płyŭ da Šanchaja.
Ekipaž zahruziŭ na vyratavalny karabiel usie asabistyja rečy, adnak evakujavać katamaran nie ŭdałosia. Na sudnie nie było pryboraŭ dla pahruzki katamarana na bort. Kapitanam vyratavalnaha sudna było pryniata rašeńnie pakinuć katamaran u akijanie.
Ciapier kamanda znachodzicca na vyratavalnym karabli, jaki dastavić ich u Bryśbien. U terminovym paradku ŭ Aŭstraliju vylataje Julija Kalužnaja dla vyrašeńnia zadač pa dalejšym praciahu ekśpiedycyi.
-
U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot
-
«Abo toŭstyja pisali, abo ź dziećmi». Fanat Łukašenki Žan Sodziel nie zmoh znajści žonku i aburajecca, što «dziaŭčaty pajšli nie tyja»
-
Kryścinie Arbakajcie zabaranili ŭjezd u Łatviju praz pahrozu nacyjanalnaj biaśpiecy
Kamientary