Ranałdu tolki ciapier pryniaŭ chrost u kaściole. Nievierahodna, ale fakt
12 vieraśnia ŭ kaściole śviatoha Juzafa ŭ San-Paŭłu byŭ achryščany Ranałdu Łuiš Nazaryu dzi Lima (abo Ranałdu). Razmova pra brazilskuju zorku 1990-ch — pačatku 2000-ch.
«Siońnia asablivy dzień. Ja achryščany! Chryścijanskaja viera zaŭsiody była fundamientalnaj častkaj majho žyćcia ź dziacinstva, choć ja jašče nie byŭ achryščany. Z sakramantam ja adčuvaju siabie sapraŭdy adrodžanym dziciom Božym — pa-novamu, bolš uśviadomlena, hłybiej»,— napisaŭ spartoviec na svajoj staroncy ŭ instahramie.
Brazilec apublikavaŭ u sacyjalnych sietkach zdymki sa svajho chrostu.
Ranałdu (abo Zubaścik, jak jaho nazyvali) naradziŭsia ŭ San-Paŭłu ŭ 1976 hodzie. Paśla hoda ŭ «Kruzejru» pierabraŭsia ŭ Jeŭropu. Pieršym jahonym kłubam byŭ niderłandski PSV, hulaŭ u «Barsiełonie», «Intery», «Reale», «Miłanie». skončyŭ karjeru ŭ brazilskim «Karyntyjasie». Zhulaŭ za karjeru ŭ kłubach 384 matčy, zabiŭ 280 miačoŭ.
Z madrydskim «Reałam» dvojčy stanaviŭsia čempijonam Ispanii.
Za zbornuju Brazilii zhulaŭ 98 matčaŭ, zabiŭ 68 miačoŭ. Čempijon śvietu 1994 i 2002 hadoŭ.
Uładalnik «Załatoha miača» (France Football): 1997, 2002, futbalist hoda pa viersii FIFA: 1996, 1997, 2002; uładalnik «Załatoj bucy» 1997 hoda.
Ciapier Ranałdu — prezident ispanskaha futbolnaha kłuba «Valjadalid», jaki vystupaje ŭ druhim dyvizijonie.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary