Vydača mižnarodnaha ordara na aryšt padryvaje ŭstojlivaść ułady — ekśpiert
13 vieraśnia Jeŭrapiejski parłamient pryniaŭ rezalucyju, u jakoj zaklikaŭ Mižnarodny kryminalny sud vydać ordar na aryšt Łukašenki za departacyju ŭkrainskich dziaciej u Biełaruś. Pra toje, što heta aznačaje i da čaho moža pryvieści, Reform.by spytaŭ kiraŭnika adździeła pa pravach čałavieka i viaršenstva prava iSANS Juryja Džybładze.
Pavodle ekśpierta, rezalucyja JEP sama pa sabie nie pryviadzie aŭtamatyčna da vydačy Mižnarodnym kryminalnym sudom ordara na aryšt Łukašenki. Ale z časam prakuroru MKS stanie ŭsio składaniej ihnaravać takija zakliki.
Ekśpiert ličyć, što sam fakt pačatku rasśledavańnia MKS moža mieć palityčnyja nastupstvy, niahledziačy na toje, što takija rasśledavańni mohuć praciahvacca doŭhi čas.
Na jaho dumku, užo sam fakt pačatku rasśledavańnia MKS u značnaj stupieni padryvaje ŭstojlivaść režymu i spryjaje demakratyčnym pieramienam.
«Bo takija rasśledavańni viaducca nie tolki ŭ dačynieńni da samoha dyktatara, ale i inšych pradstaŭnikoŭ palityčnaha kiraŭnictva, jakija addavali niezakonnyja zahady, i niepasrednych vykanaŭcaŭ. I heta značna bolš mahutny instrumient, čym kali złačynstvy zavucca złačynstvami ŭ rezalucyjach. Navat sama vydača sudovaha ordara na aryšt istotna abmiažoŭvaje mahčymaści režymaŭ, u tym liku ich uzajemadziejańnie z sajuźnikami, i pieratvaraje ich u izhojaŭ», — skazaŭ Džybładze.
Pavodle Džybładze, režym Łukašenki pavinien być pryciahnuty da kryminalnaj adkaznaści nie tolki za departacyju ŭkrainskich dziaciej, ale i za złačynstvy suprać čałaviečnaści, učynienyja suprać hramadzian Biełarusi padčas represij.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14
Kamientary
Vsia Biełaruś siejčas kak odin koncłahieŕ iz za etoho haulajtiera moskovitov.