Novy abaviazkovy kurs pałavoha vychavańnia ŭ škołach Bielhii pryvioŭ da chvali pratestaŭ z boku relihijnych aktyvistaŭ. A ŭ internecie zapuścili niamała fejkaŭ pra źmiest kursa.
Jak paviedamlaje Le Monde, za apošnija dni ŭ bielhijskim rehijonie Vałonija padpalili abo razhramili vosiem škoł. Jak minimum u šaści vypadkach była ŭstanoŭlenaja vidavočnaja suviaź z kampanijaj suprać navučalnaha kursa ab pałavym vychavańni Evras (l'Éducation à la vie relationnelle, affective et sexuelle — vychavańnie ab adnosinach, pačućciach i sieksualnaści). Hety kurs maje dźvie metavyja aŭdytoryi — školnikaŭ 11—12 i 15—16 hadoŭ. Spačatku dzieciam dajuć bolš ahulnyja, a paśla pahłyblenyja viedy.
Jak adznačaje Le Monde, ministarka adukacyi Bielhii Karalin Dezir (Caroline Désir) paraŭnała padpały škoł z terarystyčnymi aktami. Što tyčycca Evras, to na samaj spravie heta źmiena statusu navučalnaha kursa, jaki ŭ škołach Bielhii isnuje z 2012 hoda. Kali da hetaha jon pravodziŭsia pa rašeńni kiraŭnictva škoły, to ciapier stanovicca abaviazkovym.
Jak adznačajecca, nad 300-staronkavaj instrukcyjaj da kursa pracavała 150 ekśpiertaŭ. Jon raspracavany na padstavie razmoŭ z 400 dziećmi roznaha ŭzrostu.
Infarmacyja ab uviadzieńni ŭ škołach Evras vyklikała burnuju reakcyju ŭ hramadstvie. U sacyjalnych sietkach pašyryłasia chvala dezynfarmacyi, zjavilisia čutki ab tym, što kurs praduhledžvaje temy, jakija pryviaduć da rańniaj seksualizacyi dziaciej, buduć stymulavać ich da parnahrafii i źmieny połu. Była zapuščanaja dezynfarmacyja, što dziaciej 9-hadovaha ŭzrostu buduć vučyć masturbacyi i atrymańniu arhazmu.
Jak piša francuzskaje vydańnie, pratesty praciahvajucca. U niadzielu ŭ centry Brusielu sabrałasia kala paŭtary tysiačy čałaviek z łozunhami «Nie čapajcie našych dziaciej». Arhanizatarami mitynhu vystupili musulmanski i katalicki aktyvisty.
Jak paviedamlaje vydańnie, šeść isłamskich asacyjacyj vystupili z adkrytym listom, u jakim nazvali ŭviadzieńnie kursa parušeńniem svabody baćkoŭ «vieści adukacyju dziaciej u adpaviednaści ź ich vieravańniami». Na sajcie Katalickaj carkvy byŭ raźmieščany list z 8 tysiačami podpisami, u jakim havorycca, što ŭviadzieńnie novaha kursa moža pryvieści da «hipierseksualizacyi» małodšych školnikaŭ. A sam kurs raźličany, maŭlaŭ, nie stolki na vučniaŭ, kolki na śpiecyjalistaŭ i nastaŭnikaŭ, bo ŭ im viadziecca havorka na temy, jakija «nie cikaviać dziaciej».
Siarod arhanizataraŭ akcyj pratestaŭ žurnalisty taksama znajšli aktyvistaŭ, jakija vystupali suprać vakcynacyi padčas pandemii Covid-19, prychilnikaŭ teoryj zmovy, klimatyčnych skieptykaŭ.
Kampanija suprać školnaha kursa ŭ Bielhii pierakinułasia za miažu. U Francyi viadomy francuzski repier Rohff raspaŭsiudziŭ pietycyju suprać Evras u imia baraćby «ź piedafilijaj i vyčvarenstvam».
Niahledziačy na pratesty, urad nie mianiaje svajho rašeńnia. Premjer-ministr krainy Alaksandr De Kro (Alexander De Croo) vystupiŭ ź videazvarotam, u jakim adznačyŭ, što «hłyboka šakavany» tym, što adbyvajecca, i padkreśliŭ, što nieabchodnaść surjoznaha i pradumanaha pałavoha vychavańnia nie moža być nikim pastaŭlenaja pad sumnieńnie.
Pa słovach ministra adukacyi, «dzieci z samaha pačatku sutykajucca z rečami, jakich jany nie razumiejuć i jakija mohuć być dla ich niebiaśpiečnymi. Tamu vielmi važny Evras, meta jakoha nie tolki abaranić ich, ale i dać adkazy na pytańni, jakija jany zadajuć sabie ŭ pieryjad pałavoha vyśpiavańnia».
Čytajcie jašče:
Seksualnaje vychavańnie va ŭsich škołach Anhlii stanie abaviazkovym
Seksualnaje vychavańnie ŭ Šviecyi
Andrahin z Homiela pierajechaŭ u Picier i raspavioŭ pra novaje žyćcio
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu2
Kamientary
Siońnia zanadta vierujučyja ludzi (pryčym niavažna jakoj relihii) usio bolš stajuć u adzin šerah z terarystami, antyvaksierami i inšymi prychilnikami teoryj zmoŭ.
Ciažka žyć biez hałaŭnoha mozha, ale jany nie zdajucca:)
Z druhoha boku ab čym tam 300 staronak da instrukcii??))🤣 eto pałova Vocny i Mira