Nastupstvy načnoj ataki na Adeskuju vobłaść: jość traplańni i paciarpiełyja
U Izmailskim rajonie adbylisia traplańni ŭ infrastrukturu ŭ porcie.
Siońnia nočču rasijanie na praciahu dźviuch hadzin atakavali ŭdarnymi bieśpiłotnikami Adeskuju vobłaść. Jak paviedamiŭ staršynia Adeskaj abłasnoj administracyi Aleh Kipier, u vyniku pracy sił SPA bolšaść dronaŭ była źbitaja, piša UNIAN.
«Na žal, u Izmailskim rajonie adbylisia traplańni ŭ infrastrukturu kala porta. Paciarpieli dvoje mužčyn, kiroŭcy hruzavikoŭ. Adnamu ź ich miedycynskuju dapamohu akazali na miescy, druhoha ź ciažkaj traŭmaj ruki špitalizavali», — napisaŭ Kipier.
Akramia taho, paškodžany budynak punkta propusku, składskija pamiaškańni, kala 30 hruzavikoŭ, 6 fur zaharelisia. Pažarnyja likvidavali pažary.
Učora rasijanie atakavali Adeskuju vobłaść dronami i rakietami. Usie drony i amal usie rakiety ŭdałosia źbić, adnak adbyłosia traplańnie pa marskim porcie Adesy i haściničnym kompleksie ŭ porcie.
Taksama adna z rakiet trapiła ŭ skład sa zbožžam, pad zavałami znajšli dvuch zahinułych.
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary